دينا: مدلعتش ابني وكنت أم صارمة.. كلمة تربية واحدة ست مش عيب

كشفت الفنانة دينا كواليس تربيتها لابنها بمفردها عقب وفاة والده المخرج الراحل سامح الباجوري، مشيرة إلى أنها كانت أم صارمة في قراراتها.

دينا وكواليس تربية ابنها

قالت دينا في تصريحات تلفزيونية: 'كلمة انت تربية واحدة ست مش عيب، كل بيوت مصر مربيينهم واحدة ست، مهما كان في رجل في البيت، فهو في شغله طول اليوم، وبيرجع آخر الليل، الراجل مبيربيش، وكل مصر مربياها ست'.

واستكملت دينا حديثها، قائلة: 'أما في حالات الانفصال، إيه اللي يخلي الأب مش موجود، ما ياخد أولاده خميس وجمعة يربيهم، هو مش عايز يبقى موجود لو عايز أهلا وسهلا، ياخد الولاد يربيهم يشوف إيه اللي حاصل طول الاسبوع ويقومهم في اليومين'.

وتابعت: 'عدم وجود الأب صعب جدًا، وصعب على الأم، ودايمًا بنصح صديقاتي متطلقيش ولادك لما يوصلوا 12 سنة مش هتقدري عليهم، وأنا كنت أم صارمة جدا، ابني مش مدلع يعني ومحطتوش في سكة إنه يبقى مدلع، خليته يعتمد على نفسه لأن أنا بعتمد على نفسي لحد انهاردة'.

دينا في رمضان 2024

جدير بالذكر أن الفنانة دينا تشارك في موسم مسلسلات رمضان 2024، من خلال مسلسل سر اللهي، ومسلسل سر إلهي بطولة روجينا، رنا رئيس، أحمد مجدى، محمد ثروت، مى سليم، نهى عابدين، محمود الحدينى، الفنان القدير صلاح عبد الله، الفنان القدير أحمد بدير، والفنانة القديرة ميمي جمال، وأحمد سلامة، ومحسن منصور، ورشا مهدي، ومراد مكرم، ومحمود حجازي، ومريم أشرف زكي، من تأليف أمين جمال، وإخراج رؤوف عبد العزيز.