«دينكم يسر».. خالد النبوي يروي موقف مؤثر مع ممثل أجنبي

تحدث الفنان خالد النبوي عن موقف مؤثر له مع ممثل أجنبي، كما وجه عدة نصائح للشباب.

قال خالد النبوي في ندوة تكريمه ضمن فعاليات الدورة السادسة من مهرجان القاهرة للأفلام القصيرة: «مرة قولت لحد أجنبي كنت بمثل معاه عايز أتوضى قالي بس إحنا مفيش ماية».

موقف مؤثر خالد النبوي مع ممثل أجنبي

وتابع: «قولتله ما إحنا عندنا حاجة تانية اسمها التيمم، فالراجل فرح أوي وقالي دينكم يُسر».

وأضاف خالد النبوي: «المخرج في العمل لازم يعرف شخصية الممثل اللي قدامه، ويشتغل عليه مش يضغطه وهو ميعرفش شخصيته إيه».

خالد النبوي

تصريحات خالد النبوي

ووجه نصائح للشباب قائلًا: «الممثل جزء من حدوتة، حدوتة من الواقع تمس الناس أو حدوتة متخيلة تمس خيال الناس وتجعل لديهم قدرة على الخيال والتخيل، والتمثيل هو فن التعاون مع الآخرين من أجل حكي الحدوتة».

واستكمل خالد النبوي: «حتى ولو مونودراما، فهناك مخرج وعامل إضاءة وغيرهم من الفريق، الممثل يتعامل مع المخرج ومع الديكور الذي وضعه عامل الديكور، فهو عمل جماعي والفردية تقتل أي عمل».

وينصح أي شاب يريد أن يكون ممثلا، قائلًا: «تتأكد إن دي شغلانتك بجد واللي هتكسب منها لقمة عيشك وعلى الممثل الشاب أن يحترس من الشهرة، لأني شوفت وعاصرت ناس دخلوا معهد تمثيل ودلوقتي بيعانوا عشان مش عارفين يمثلوا وفي إشارات بتأكد إذا كنت هتبقى ممثل ولا لا».

واختتم خالد النبوي: «أنا نشأت في بيت متربي على صوت النقشبندي ونصر الدين طوبار، وده أصلي وتربيتي».