رئيس جمعية الكومبارسات: شيرين مكنتش بتعرف تمثل وعلا غانم كانت من المجاميع

كشف الريجيسير ورئيس جمعية الكومبارسات إبراهيم عمران، ذكرياته مع الفنانين: «علا غانم كانت من ضمن المجاميع كمان حنان شوقي كانت من المجاميع وكانت بتجتهد لحد ما بقت نجمة .

ابراهيم عمران وشيرين عبدالوهاب

وأوضح في تصريحات تليفزيونية، أن محمد هنيدي كان بيطلع في أدوار صامتة وكنت بكلمه على تليفون الجيران، شيرين عبد الوهاب في أول ظهور ليها في فيلم ميدو مشاكل مكنتش بتعرف تمثل وكان معايا».

ابراهيم عمران وجيهان نصر

وعن الفنانة جيهان نصر، فقال في تصريحات تليفزيونية: كنت بعمل فيلم اسمه زيارة السيد الرئيس مع الفنان محمود عبد العزيز وهياتم وحسن الاسمر، وجالي استاذ محمد راضي قالي عايز بنت شكلها جميل وفلاحة وتطلع مرات حسن الاسمر ووشها مصري.

وتابع: احنا زمان كنا بنمشي بشنطة فيها أجندة العناوين والصور وبكون عارف خط سير الممثل وأعرف اجيبه من تحت الأرض، فطلعت الشنطة وقلتله اختار الصور وعينه وقعت على جيهان نصر ، فقولتله برافو عليك البنت دي جميلة جدا قالي عايز أشوفها، قومت روحت لأبوها البيت، وكانت بتعمل اعلانات ومرضيش في البداية قولتله دي فرصة ومش هتتعوض وأقنعته.

وأضاف: جت جيهان وعملها كاستينج واقتنع بيها وعملت البطولة بـ ٣٠٠٠ جنية، وكمان في فيلم «البطل» كنت بعمل الفيلم ده.