راغب علامة لـ مصطفى كامل على الهواء: «البوسة مش جريمة».. فيديو

ردّ النجم اللبناني راغب علامة على الفنان مصطفى كامل، نقيب المهن الموسيقية، وذلك في أول مواجهة على الهواء بينهما، بعدما قامت نقابة المهن الموسيقية باستدعاء راغب علامة للتحقيق معه في وقائع «غير لائقة»، تمثلت في قبلات بعض الفتيات له على المنصة أثناء حفل الساحل، الذي قدمه مؤخرًا.

وقال راغب علامة، ، خلال مداخلة هاتفية مع الإعلامية نهال طايل، ببرنامج «تفاصيل» على قناة صدى البلد 2، «بمسي عليك يا نقابة ده صديقي، بقول ليك دور النقابة تحميني لا تأذيني، دور النقابة لو حصل حاجة غلط تكلم الجهة التنظيمية وتقول ممنوع حد يطلع على المسرح.، مش دوري أقول لحد ينزل من على المسرح، أنا أهلا وسهلا بكل معجب وكل معجبة اللي عايز يسلم اللي عايز يحضن، أنا بتصرف زي ما في بلدي وبعتبر العادات المصرية واللبنانية زي بعض بالظبط، القبلة ليست جريمة بالدليل أن فيه كلبيات فيها قبلات.، ليه الأفراح فيها قبلات وأحضان ليه متطلعش قرار غير ده أنا فنان جمهوري بيسلم عليا».

وتساءل علامة «أنا إيه الجريمة اللي ارتبكتها ؟ قرار منع الغناء قرار إعدام ؟ أنا بحب مصطفى كامل جدا، يمكن فيه خلاف في وجهات النظر، أنا سألته لما الفنان يعمل غلط قولي الغلط بتاعه إيه؟؟ إنه كان لطيف مع الناس وبيتعامل معاهم بمحبة ؟؟ المفروض النقابة تحميني أنا ؟ البنت اليلي اتصورت معايا وباستني كانت ورا الكواليس، فين الجريمة ؟؟بمصر هوليود الشرق ؟؟».

وأضاف قائلًا: «طول عمر مصر عبد الحليم حافظ نادية لطفي، سعاد حسني محمود ياسين، هؤلاء العباقرة كانوا بيعبروا بقبلات حميمية ليست خليعة، أول حاجة أعملها لما أنزل الأسبوع الجاية هروح نقابة الموسيقيين دي بيتي.. أنا زعلت إن محدش كلمني.. كان المفروض أعمل إيه لما واحدة تتصور وتبوسني ؟؟ الجريمة اللي أرتكبتها إيه ؟ واحدة باستني مش أنا اللي بوست ؟ واحدة أتصورت على المسرح؟».

وتابع: «بوسة الفنان مش جريمة، لو رجع بيا الوقت هتصرف نفس التصرف، أنا زعلان عشان أنا بحب مصطفى كامل، لو حصل الموقف في حفلة تانية هتصرف بنفس الطريقة مش هضرب حد، أنا أطالب النقابة بحمايتي والاتفاق مع الجهة المنظمة بمنح أي حد من الصعود على المسرح، الاختلاف في الرأي لا يفسد للود قضية، نحن نحترم جمهورنا ومسرحنا.. مفيش حاجة دون الأخلاق.. أجدد التأكيد على أن النقابة تحمي الفنان وليست ضده».