رامز أمير ينهار بالبكاء بسبب وفاة نسر.. فيديو

إسماعيل هاني 29 مايو 2023 | 08:38 مساءً

كشف الفنان رامز أمير، عن إجرائه لعملية لـ نسره الذي يدعى رحمة، داخل أحد المراكز المتخصصة للحيوانات.

رامز أمير يفقد نسره

ونشر رامز أمير، مقطع فيديو يتحدث فيه عن نسره الذي يدعى رحمة، عبر حسابه الشخصي على موقع التواصل الاجتماعي فيسبوك، وعلق قائلا بالفيديو الذي يرصد مراحل العملية التي أجراها لنسره: يا حبيبتي قومي بس.. عملت عملية لـ رحمة وفيه نسبة خطورة من العغملية، ويا رب العملية تعدي على خير، وعملت اللي عليا معاها، وأصعب يومين عشتهم في حياتي.

وتابع رامز أمير حديثه: أول ما ركبت العربية شغلت اللوكيشن للمكان اللي هيتعمل فيه العملية لرحمة، وبدأت أول خطوات العملية بالبنج، وحاولات أثبت الكسر بشكل جراحي، ودخلت العمليات وعرفت ان فيه خطورة لكن اللي ربنا عايزة هيكون.

نسر رامز أمير تجري عمليتين

واستكمل رامز: للأسف رحمة رجليها الاتنين مكسورة، ونفسها وقف وإحنا في بداية العملية، ولحقها الدكتور وعملها تنفس صناعي ورجعت تتنفس تاني، وللمرة التانية في الرجل التانية رحمة بطلت تتنفس، والحمد لله التنفس رجع تاني.

وأوضح رامز أمير: وفاقت بعد التخدير بعد عملية قعدت 3 ساعات، حاولنا كتير معاها عشان تفقوق لكن استجابتها كانت ضعيفة، قومي بقى أبوس ايدك.

وأَضاف بالفيديو: فضلت أنا أتكلم مع الدكتور لأن الموضوع طول جدًا وبعد كده حصل اللي كنت مستنيه وفاقت والفرحة اللي حسيتها في اللحظة استحالة أعرف أوصفها لـ أي بني آدم.

وفاة نسر رامز أمير

وأنهى كلامه في الفيديو، قائلا: روحت البيت وأنا حاسس اني حققت أهم إنجاز عملته في حياتي، وروحت عملتلها أكل اللي بتحبه، وروحت خدتها للدكتور عشان أديها المحاليل، وأنا في نص الطريق حصل حاجة غلط وللاسف ماتت بعد ما استحملت حاجات كتير أوي، وخدتها أرض تدريب رهبة وقررت أدفنها هناك.