رامي إمام عن تسديد والده لديون مصر: شائعة قديمة وفوجئت بانتشارها

علق المخرج رامي إمام على الفيديو الكوميدي القديم، الذي به وقال: «عادل إمام هيسدد ديون مصر كلها بس كان شرط أن هو يحط صورته على الجنيه».

قال رامي إمام عبر تصريحات تلفزيونية تعليقًا على الفيديو القديم: «ده فيديو قديم جدًا.. أنا فوجئت الفترة اللي فاتت إن فيه ناس كتير جدًا بتنزلي فيديوهات حتى كان شكلي صغير ورفيع، يعني ده كانت إشاعات بتطلع».

حقيقة تسديد عادل إمام لديون مصر

وتابع: «فكان فيديو قديم، مش عارف إيه اللي طلعه دلوقتي، بس مش مشكلة، أنا مبسوط فيه صفحات كتير جدًا بتبقى فانز لرامي إمام، أنا بحترمها جدًا وبحبها جدًا طالما إن الموضوع بينزل زي ما هو بدون تحريفه أو بدون أن أنا أغير فيه حاجة، معنديش مشكلة خالص».

وكشف رامي إمام تفاصيل فيلمه الجديد، قائلًا: «الفيلم لسه ماتحطلوش اسم، إنما ده تجربة بالنسبة لي تعتبر جديدة».

تفاصيل فيلم رامي إمام الجديد

واختتم: «مبسوط إني بشارك مع أحمد عبدالوهاب وجيهان الشماشرجي يمكن لأول مرة وتجربة أنا شايفها جديدة حتى كنوع الدراما اللي إحنا بنعملها في الفيلم، وإن شاء الله هنبدأ تصوير في الأسبوع الثالث من شهر يونيو وإن شاء الله متوقع إن الفيلم ينزل في شهر ديسمبر اللي جاي».