رامي جمال يروي تفاصيل اصابته بالبهاق والسكر وعلاقته بالمهرجانات

كشف المطرب رامي جمال، تفاصيل سبب إصابته بمرض البهاق لأول مرة وعلاقته بأغاني المهرجانات.

رامي جمال ومرض البهاق

وقال رامي جمال، في تصريحات تليفزيونية: «المرض بالفعل جالي بسبب الحزن، والقصة بدأت أني في يوم سافرت أصور أغنية ليا مع مخرج وكانت تكلفتها ضخمة مبلغ 100 ألف دولار، وبعد انتهاء التصوير لقيت المخرج بيماطل في تسليم الكليب».

وتابع رامي، أنه مع اصراره أخبره المخرج أن الهارد المسجل عليه كل تفاصيل الكليب اتكسر.

واستكمل: «كان ابتلاء كبير وحركة لو حد جديد ميقعش فيها وفكرت أنه ممكن يكون مقصودة ولكن طلع كلامه صح».

وأوضح: راحت الفلوس وربنا كرمنا بالحل ولكن كان صعب وقتها، وبعد كده استشهد صديقي عمرو صلاح وحزنت جدا عليه لانه صديق العمري وجالي بعدها السكر.

رامي جمال وأغاني المهرجانات

وأكد رامي جمال، أنه من المستحيل تقديم ألحان لمطربي مهرجانات «مستحيل ألحن مهرجانات ومش ذوقي وأنا اتحاسب على اللي بعمله ومش عايز أقدم فن اعتذر عنه بعد كده في يوم من الأيام، حتى لو الدنيا جت عليا مش هغني مهرجانات واستعين بأهلي».

وتابع، أنه من نجوم الصف الأول في التلحين ولكن ما زال أمامه الكثير من الأحلام ليحققها «أنا من نجوم الصف الاول ومن وجهة نظر السوق والمتعهدين صف أول ومن وجهة نظري لسه كتير على اللي حلمت به».

وأضاف: «بالنسبة للأجر بأخد أجر أكثر من ناس كتير وبحب يكون ليا أجر مختلف ولسه نجاحات كتير، وعمرو دياب نموذج والنجاح سهل الوصول له إنما النجاح متغير والمهم الاستمرارية».