رامي جمال يطرح أغنيته الجديدة «قفل الكلام» على يوتيوب.. فيديو

طرح الفنان رامي جمال أحدث أعماله الغنائية بعنوان 'قفل الكلام' عبر قناته الرسمية على موقع 'يوتيوب'، ليواصل من خلالها تقديم اللون الغنائي الذي يتميز به ويجمع بين الإحساس والعذوبة في الكلمة واللحن.

أغنية 'قفل الكلام' من كلمات عليم، وألحان مصطفى الشعيبي، وتوزيع ومكس وماستر محمد ياسر، وتشهد الأغنية تعاوناً جديداً بين رامي جمال وفريق العمل الذي سبق وحقق معه نجاحات جماهيرية لافتة في السنوات الأخيرة.

ومن المتوقع أن تحقق الأغنية صدى واسعاً فور طرحها، خاصة مع حالة الترقب التي يعيشها جمهور رامي جمال لأعماله الجديدة بعد سلسلة من الأغاني الناجحة التي قدمها مؤخراً.

كلمات أغنية "قفل الكلام"

وصنفه كله بشكل عام

مبقتش اصدق أن لسه في ناس تمام

وبدأت احس شعور غريب في الانتقام

حلو انه غاب ده كان مخلي حياتي فيلم من العذاب

ارتحت جداً م المحايلة ومن العتاب

وخلاص مفيش لا دموع جديدة ولا اكتئاب

ده أنا هاستنى اليوم اللي يرجع تاني فيه

علشان يسألني و ارد واقوله مالكش فيه

ياه ع الجمال لما هيجي في عيني ندمه

بالذمة فيه أجمل بقى من اللحظة دي

احسن اكيد وهابقى احسن كل لما يكون بعيد

مايعيش براحته ولا حتى يموت وحيد

جوايا احساس كره ليه عمال يزيد

خلصت معاه لكن في لسه ايام هتيجي وفيه حياة

وبكرة هيقولي انه بعدي في عيشته تاه

ده قلبي هيطير م السعادة ده يوم مناه

ده أنا هاستنى اليوم اللي يرجع تاني فيه

علشان يسألني و ارد واقوله مالكش فيه

ياه ع الجمال لما هيجي في عيني ندمه

بالذمة فيه أجمل بقى من اللحظة دي