رامي جمال يطرح فيديو كليب أحدث أغانيه «مرتاح كدة» بالذكاء الاصطناعي

طرح الفنان رامي جمال أحدث أغانيه بعنوان 'مرتاح كدة' عبر قناته الرسمية على موقع 'يوتيوب'، لتكون إضافة جديدة إلى رصيده الفني المميز خلال موسم الصيف.

وشارك رامي جمال جمهوره حماسه لإطلاق الأغنية، حيث نشر بوستر العمل عبر حسابه الرسمي على 'إنستجرام'، وعلق قائلاً: 'مقدرش أتأخر عليكم، وحسيت إن الصيف بيخلص، فقولت نعمل شوية حماس مع بعض وننزل بالجديد'. وقد لاقت الأغنية تفاعلاً واسعًا من محبيه على مختلف منصات التواصل الاجتماعي منذ اللحظات الأولى لطرحها.

ويأتي ذلك بعد فترة قصيرة من طرحه مجموعة من أغاني ألبومه الأخير 'محسبتهاش' في يوليو الماضي، والذي ضم 15 أغنية متنوعة حملت توقيعه الفني المميز، من بينها: 'تطلب حنية، محسبتهاش، يا جمالك، كأنه مجاش، مش لاقيكي، زي الخطاف، غبت ليه، مالي بس، هات حضن، ما طلعتش جدع، كلام عيب بتحكي، بعدك أذاني، روحي عليك بتنادي، تيجي نرجع، قبلت التحدي'. الألبوم حظي باهتمام واسع من الجمهور والنقاد، وأكد على مكانة رامي جمال كأحد أبرز الأصوات الغنائية على الساحة.

تأجيل حفل رامي جمال مع محمد منير

وعلى صعيد الحفلات، كان من المقرر أن يشارك رامي جمال في إحياء حفل ضخم ضمن مهرجان العلمين يوم 16 أغسطس الجاري إلى جانب الفنان الكبير محمد منير، إلا أنه أعلن تأجيل الحفل إلى موعد لاحق، بعد تدهور الحالة الصحية للكينج.

وكتب رامي جمال عبر حسابه على 'إنستجرام' معتذرًا لجمهوره: 'أولًا، ألف سلامة على الغالي الكينج محمد منير، نشوفك بألف خير. ثانيًا، بما إني كنت متشرف إني مشارك في حفل مهرجان العلمين يوم 16-8 مع أستاذنا، يبقى الحفل ماينفعش يكون غير معاه بعد ما نطمن عليه، فبعتذر للجمهور اللي حجز ورتب نفسه على يوم 16، إن الحفل لازم يتأجل لحد ما نتطمن على العبقري، القيمة والقامة المصرية المحترمة محمد منير. دعواتكم يخف ويقوم بألف سلامة. ولما يتم تحديد موعد جديد هنبلغكم. وبشكر شركة تذكرتي على المجهود الجميل اللي عاملينه معانا وفي المهرجان عمومًا. وتحيا مصر'.

كلمات أغنية "مرتاح كده"

ميهمنيش إزاي تعيش

تنساني ولا متنسانيش

عن نفسي أنا نسيتك بقى ومرتاح كده

مش سيبتني ومشيت زمان

دلوقتي مبقاش ليك مكان

ليه عايزني أوقفلك حياتي أنا كل ده

ده ماهزنيش البعد ولا فارق معايا

ومسبتليش ولا حاجة أنا تفكرني بيك

خلص كلامك روح وأبعد كفاية

احنا اللي بينا انت اللي ضيعته بإيديك

ايه فاكرني هامسك يعني فيك

وهاوقف الأيام عليك

واتعب واضيع من يوم فراقنا وبعدنا

ايه فاكرني بعدك مش هاعيش

وهاموت ده لو مرجعتليش

انت الخسران في الغياب لا مش أنا

ده ماهزنيش البعد ولا فارق معايا

ومسبتليش ولا حاجة أنا تفكرني بيك

خلص كلامك روح وأبعد كفاية

احنا اللي بينا انت اللي ضيعته بإيديك