رامي صبري: ويجز أخويا الصغير وأنا مسامحه

علق الفنان رامي صبري على مبادرة الشاعر تامر حسين، لحل الخلاف بينه وبين مطرب الراب ويجز.

وكتب رامي صبري في منشور عبر حسابه بموقع فيس بوك: «حبيبي تامر حسين الشاعر الكبير العظيم شكرًا على كلامك الجميل اللي زيك».

خلاف رامي صبري وويجز

وتابع ليعلن الصلح من جانبه لمطرب الراب، قائلًا: «ويجز أخويا الصغير وأنا مسامحه وحصل خير».

كان قد وجه الشاعر تامر حسين رسالة دعم للفنان رامي صبري، موضحًا أن شهادته به مجروحة.

تامر حسين يدعم رامي صبري

كتب تامر حسين في منشور عبر حسابه بموقع فيس بوك في رسالته لـ رامي صبري: «شهادتي فيك مجروحة.. أنت صوت عبقري مش محتاج رأيي وخطواتك ما شاء الله لطريق النجاح بتكبر وتزيد».

وتابع: «وكل سنة عندك هيت ناجح ومكسر الدنيا ولسه شايف ترتيب أنغامي أنت رقم 2 في الاستماع بعد الهضبة ألبوم مكانك وفي الصدارة».

واستكمل تامر حسين: «تصريح مش موفق من ويجز رغم إني شفت له أكتر من لقاء كان راجل مُثقف ومُهذب جايز يكون واخد على خاطره أو فِهم كلامك غلط».

واختتم: «إنما الأرقام اللي قالها مش أرقامك ولا الطريقة مُناسبة وأنت الكبير يا روما.. ويجز لو يعرف أنت أول واحد باعتلي أغنية البخت وبتقولي الراجل ده عنده حاجة مختلفة مكنش هيزعل كده.. دي شهادة حق والله».

رامي صبري