رامي صبري يستعد لحفل ليلة الدموع في الرياض

وصل النجم رامي صبري منذ قليل إلى مدينة الرياض بالمملكة العربية السعودية، استعدادًا لحفل ليلة الدموع 2 والمقرر إقامته مساء يوم الخميس الموافق 16 نوفمبر الجاري في بوليفارد رياض سيتي.

رامي صبري يستعد لحفل ليلة الدموع

ونشر الموقع الرسمي لمسرح بنش مارك مقطع فيديو قصير عند وصول المطرب رامي صبري إلى مدينة الرياض استعدادا لحفل ليلة الدموع يوم الخميس.

إلغاء حفل رامي صبري في الإسكندرية

أعلن الفنان رامي صبري إلغاء حفله الجديد في الإسكندرية، والذي من المقرر إقامته يوم الخميس المقبل الموافق له 28 سبتمبر الجاري.

وكتب رامي صبري في منشور عبر حسابه الرسمي بموقع فيس بوك: «بعتذر لجمهوري في الإسكندرية لعدم حضوري حفل كلية أداب اللي كان مقرر إقامته يوم الخميس الموافق 28/9/2023».

وتابع: «لعدم التزام منظم الحفلات وليد منصور بالاتفاقات بيننا.. لذلك قررنا إلغاء الحفل.. وشكرًا».

وفي سياق آخر، استعاد الفنان رامي صبري ذكريات عمله في كورال مع الفنان محمد الحلو، ونشر صورتين الفرق بينهما 23 عامًا، عبر حسابه الرسمي بموقع انستجرام.

إلغاء حفل رامي صبري في الإسكندرية

ذكريات رامي صبري

علق رامي صبري على الصورتين عبر حسابه الرسمي بموقع انستجرام: «صوره من 23 سنة تقريبا الفرق بينهم كبير جدًا في الصوره اللي فوق كنت بشتغل كورال مع الفنان الكبير محمد الحلو.. وكنت وقتها ببتدي اشتغل علشان أفهم يعني إيه مسرح وجمهور وإزاي اتعامل مع الناس في الشغل».

وتابع: «وكنت دايمًا عارف إنها مرحلة تعليمية وهتمشي مش هقف عندها علشان كده مكانش عندي طموح فيها فضلت اشتغل كورال مع معظم النجوم ساعتها لحد ما لحنت لفضل شاكر وعامر منيب الله يرحمه وبعدين شيرين أول ما ابتدت.. وكل ده عارف إن هدفي لسه مجاش.. الصوره اللي تحت بعد كل اللي فات والتعب والمجهود الكبير جدًا ربنا كرمني كرم كبير وميزني من وسط فنانين كتيره جدًا وخلاني أكون واحد من أهم نجوم العالم العربي».

واستكمل الفنان رامي صبري قائلًا: «الموضوع كله صدقني في الطموح لو أنت بتحب نفسك ومأمن بنفسك وعندك الإصرار إنك هتوصل لمكان أنت مش فيه دلوقتي صدقني هتوصل بس تصدق نفسك ومفيش حاجه اسمها حظ دي كلمة محصلتش معايا».

بدايات رامي صبري

وقال رامي صبري أيضًا: «مع حبي للموسيقى وطموحي وأنا ماشي فيها في واحد معايا في نفس الصورتين وهو أخي وصديق العمر والموزع الموسيقي وعازف الكيبورد الأستاذ محمد سمير.. هو كمان طموحه كبير جدًا وابتدى معايا في الصورة اللي فوق لحد ما بقى أحد أهم موسيقيين مصر وبيلعب مزيكا مع أهم نجوم عالمنا العربي».

وأضاف: «ولسه مكمل معايا من 23 سنة لحد الآن وهو مدير فرقتي الموسيقية.. عاوز أقول في الآخر طموحك وحبك لنفسك هيوصلك.. ماترميش شماعة الظروف على نفسك وتقول ظروفي وحظي وتدخل في مود مش هايوصلك لحاجة هتوصل هتوصل صدقني اشتغل على نفسك أوي».

واختتم: «وحط في نفسك إنك أهم واحد في العالم ولازم الناس كلها تعترف بيك.. وأول ما هتنجح كله هيجري وراك ويسقف لك.. الفرق بين الصورتين (الطموح فقط)».