رامي صبري يعتذر لمحمد رحيم بعد الهجوم: خاني التعبير وفهمتني غلط

حرص الفنان رامي صبري أن يوجه رسالة اعتذار للملحن محمد رحيم بعد أزمتهما الأخيرة، قائلًا: «أنا كمان بحبك وأنت عارف ولو كان خاني التعبير فا أنا بعتذرلك قدام الناس».

اعتذار رامي صبري لـ محمد رحيم

وتابع: «إنك فهمتني غلط وأنا مقدرش أزعلك ابدًا.. موضوع الشبه في الأغاني أنت عارف إن الموسيقي في العالم سبع نغمات وكلنا بندور حولهم».

وأضاف رامي صبري قائلًا: «ولو مسكنا مين شبه مين هانطلع تقريبًا معظم الأغاني شبه بعض وده شيء طبيعي وبيحصل (توارد الافكار).. مرة تانية رحيم ملحن وفنان كبير جدًا أحترمه وأقدره وزعلك فوق راسي».

اعتذار رامي صبري لـ محمد رحيم

أزمة محمد رحيم ورامي صبري

ومن جانبه، كان قد رد الملحن محمد رحيم على هجوم المطرب رامي صبري عليه بأحد البرامج الإذاعية، مؤكدًا أنه هاجمه كثيرًا من قبل.

محمد رحيم كتب عبر حسابه الشخصي على موقع التواصل الاجتماعي «فيسبوك»: «أنت هاجمتني قبل كده أكتر من مرة ومازلت، لأني قلت كلمتين فضفضة، هما من صميم حقي وقوانين الملكية الفكرية واضحة ومفيهاش هزار في بلدنا».

واستكمل حديثه: «وفي كل دول العالم وكنت بشوف مجهودي وتعبي بيُنسب لغيري وبستحمل وبسكت عشرات المرات، وللأسف أنت اللى زعلان، وبتتهمني أني كنت بهاجم النجاح، لأ أنا قطعًا مش بهاجم النجاح لأنني والحمد لله صديق النجاح، أنا فقط كنت بعلق على استحياء وخجل على ظاهرة سلبيه جدًا ومتكرة».

وتابع: «في أسلوب العمل في الوسط الفني وهي ظاهرة استغلال، واستحلال مجهود الناس بدون وجه حق ونسبته لغير أصحابه الحقيقيين، وأنا عايز بعد تجربتك الأخيرة، مع عمرو اللى سببت المشكلة دي كلها الناس تحاول تتخيل، أنا ساكت على إيه بقالي سنين، ولكن بعد الاعتداء على أعمالى وافكاري ومجهودي ثم سكوتي وصمتي، أطلع بحارب النجاح كمان وكمان أطلع مش عاجب».

وأوضح: «لأ طبعًا ده كلام مرفوض تمامًا، وفعلًا أنا مش هسمح لأي حد يقوله وربنا يسامح الجميع وطبعًا أنا برد على الملأ، لأنه كلامك كان على الملأ فلذا وجب التصحيح والتوضيح، مع تأكيدي أن عمرو مصطفى طبعًا أنا بعشقه وبحبه من قلبي».

وأضاف رحيم: «وأنت كمان أخويا وبحبك، والدليل أني أول مره اتكلم على مواضيع زي دي حدثت منذ سنوات، ولكن زي ما أنت عندك أسرة، وعندك جمهور تخاف على شكلك قدامهم، أنا كمان زيك بالظبط.. مع تمنياتي بالتوفيق والنجاح الكبير للجميع.. أخوك الموسيقار المصري العالمي المجتهد والمحترم محمد رحيم».

رامي صبري أغنية ملك الفرفشة

رامي صبري

محمد رحيم ورامي صبري