رانيا السيد تكشف كواليس مشاركتها في «الأصلى»: ريهام عبد الغفور رشحتني

إسماعيل هاني 13 مارس 2023 | 08:03 مساءً

كشفت الفنانة الشابة رانيا السيد، تفاصيل تجربتها ومشاركتها في مسلسل الأصلي الذي تخوض بطولته الفنانة ريهام عبدالغفور.

وقالت رانيا السيد، في تصريحات ببرنامج بنت البلد المذاع عبر قناة صدى البلد وتقديم الفنانة نشوى مصطفى: ريهام عبدالغفور هي اللي رشحتني لدوري في مسلسل الأصلي وأنا خطواتي في التمثيل صغيرة وبسيطة وابتديت بمسلسلات حلاوة الدنيا ورمضان كريم وأهو ده اللي صار وعملت شخصية صعيدية مع المخرج الراحل حاتم علي.

وتابعت رانيا السيد: «ابتديت بعدها أسمع كلام من الناس يا رانيا انتي بتعرفي تمثلي.. يا رانيا انتي وشك مختلف، وابتديت أصدق شوية وفي الأول مكنتش بصدق وبفتكر ان الكل بيجاملني».

واستكملت رانيا السيد: «شاركت بعدها مع فتحي عبدالوهاب في حكاية ورا كل باب، وهو غول تمثيل وممثل عظيم»

رانيا السيد: ريهام عبدالغفور عرفتني على المخرج أحمد حسن

وعن مسلسل الأصلي، أوضحت: ريهام عبدالغفور عرفتني على المخرج أحمد حسن، وهو مش إنسان عادي وإنسان خلوق وبني آدم محترم وشاطر أوي.

وتابعت: لما قابلني وشافني وبدأ يقتنع اني أقدر أعمل الدور اللي فيه نقلات كتير، ولما قعدنا مع بعض وشافني في كذا مشهد قبل ما أمضي العمل، اطمن وقالي وافقنا عليكي كلنا.

وأضافت رانيا السيد «ريهام عبدالغفور كممثلة هتخليكي تمثلي هتمثلي لأنها هتنطق الحجر اللي قدامها، والمايسترو والمؤلف آمين جمال كاتب كلام تقفي عنده».