رانيا محمود ياسين توجه رسالة لزوجها بسبب «القومي للمسرح»

وجهت الفنانة رانيا محمود ياسين، رسالة لزوجها الفنان محمد رياض بعد تعرضه لعدة شائعات عقب انطلاق الدورة الجديدة

لفعاليات المهرجان القومي للمسرح في دورته الـ 16.

رانيا محمود ياسين ومحمد رياض

وكتبت رانيا محمود ياسين، عبر حسابها الشخصي على موقع التواصل الإجتماعي إنستجرام،وعلقت قائلة: الى زوجي العزيز لاني مش عارفة أكلمك في البيت خالص نظرا لانشغالك الشديد واخلاصك الغير عادي من أجل تحقيق النجاح

في المهرجان القومي للمسرح.

أضافت رانيا: بقولك ربنا معاك ويوفقك ويكفيك شر الحاقدين اللي بيطلعوا عليك إشاعات، لكن ده حال كل نجاح ومخلص ربنا

يكرمك ويحفظك ويخليك ليا ولأولادك يا رب بحبك.

محمد رياض والقومي للمسرح

وكان الفنان محمد رياض، كشف سبب تكريم الفنانين الأحياء بالمهرجان القومي للمسرح المصري في دورته الـ 16 هذا العام.

وقال رياض ببرنامج سبوت لايت تقديم الإعلامية شيرين سليمان، المذاع على قناة صدى البلد، عن قرار تكريم الفنانين الأحياء وليس الأموات، بالمهرجان القومي للمسرح المصري في دورته الـ 16: «خدنا قرار لتكريم الفنانين الأحياء بهذه الدورة، كونها رسالة شكر لهم على ما قدموه في تاريخهم، ومش لازم أستنى الفنان يرحل عشان يتكرم، لازم يحس بتكريمه وهو عايش، وهنكرم 10 فنانين».

وتابع رياض: «فنان المسرح مش واخد حقه، وممكن نعمل بروفات سنة كاملة عشان عرض شهرين أو تلاتة، فالمسرح محتاج اهتمام أكتر، ولازم الفنان يكون سريع البديهة».

وأضاف: «فنان الكوميديا ملتزم بالنص المسرحي ومفيش فرصة يخرج عن النص وتقول آفيهات والناس داخلة المسرح عايزة تضحك ومسئولية على الفنانين اللي بيعملوا هذه المسرحيات ان الجمهور لاتزم يتبسط اللي جاي يتفرج».