رانيا يوسف بفستان أنيق في أحدث جلسة تصوير.. صور

خضعت الفنانة رانيا يوسف لجلسة تصوير جديدة ظهرت خلالها بفستان أنيق لونه ذهبي، وأشاد الجمهور بصور رانيا يوسف الجديدة.

صور رانيا يوسف الجديدة

ونشرت رانيا يوسف عبر حسابها بموقع الصور إنستجرام، جلسة التصوير الجديدة التي خضعت لها، وظهرت بفستان ذهبي مكشوف الكتف.

 

View this post on Instagram

 

A post shared by Rania Youssef (@raniayoussef_)

إطلالات رانيا يوسف

وكانت رانيا يوسف تحدثت عن إطلالاتها الجريئة، وقالت: «طول عمري بلبس مايوه وشورت.. أنا مبتغيرش عشان أراضي حد أنت مش عاجبك رانيا متتابعنيش».

واستكملت: «أنا أقل واحدة بلبس ماركات وأنا بشتغل على جسمي وشكلي فأقل حاجة بلبسها بتبان حلو، وممكن أهتم بالمركات بس في المهرجانات، أنا ست بحب الجمال في الرجالة والستات وبتعلم من البنات الشباب استياليتهم الجديدة».

قالت رانيا يوسف أيضًا: «الراجل بيفتكر إن الصوت الواطي والأدب ضعف مني وبيتفاجئ بلطشة قلم على وشه بإننا هنتطلق ودلوقتي، أنا بعدي مرة وبنبه وخلي بالك كدة أوفر وبمنتهى الأدب وبيفتكر إني هعدي وبعدها بيتفاجيء إننا هنطلق، والطلاق بيوجع الواحدة وبتلجأ انها تبين إنها عادية عشان متحسسش الراجل بكسرتها».

تصريحات رانيا يوسف

كشفت الفنانة رانيا يوسف حقيقة زواجها من الفنان أحمد الفيشاوي، وعلقت على صورتهما الأخيرة احتفالًا بالكريسماس في كواليس فيلم ورد ريحان.

قالت رانيا يوسف في تصريحات تلفزيونية لها، إنها إنسانة بسيطة وتزوجت دون شبكة بمبالغ كبيرة، معلقة: «أنا بفضل ضل الحيطة عن ضل الراجل، وعمري ما هتجوز واحد سي السيد، وزي ما الراجل جواه طفل أنا كمان جوايا طفلة».

وأضافت رانيا يوسف : «الراجل الحلو شكلًا دا بيكون من برا بس ولكن في الحياة والمسئوليات الموضوع بيختلف، وبحس الرجالة بيخافوا مني وبيغيروا وبيتضايقوا لو بقيت مستقلة ماديًا لأنهم عايزين أفضل معتمدة عليهم، وأنا لما بتجوز واحد مش محتاجة له ماديًا بكون محتاجة له عاطفيًا».

واستكملت الفنانة رانيا يوسف كلامها: «ويكون لي سند في الحياة، وكلامي دا عن تجربة 3 جوازات و2 مشروع جواز، والرجالة بيكونوا ملايكة أول 3 شهور وأول ما بتيجي سيرة الجواز وأننا هنكتب الورق بيتحول لـ وحش، وأنا ممكن أسامح الراجل مرة ولكن في التانية لأ وحسب الغلطة اللي عملها».

رانيا يوسف وأحمد الفيشاوي

قالت الفنانة في تصريحاتها: «وأنا إنسانة بسيطة وأقل واحدة بتلبس ماركات وألماظ ولكني بهتم ألبس بشكل لائق، ومجاليش شبكة بملايين في جوازاتي التلاتة، وأنا ممكن أكون ست بمليون راجل وأتحمل المسئولية والجواز سهل بس لازم أعرف هتجوز مين؟ وهل هيتقبل ظروف حياتي؟».

وتابعت: «بخاف من الحسد ونجمي خفيف لأن أقل حاجة بعملها الناس بتكون مركزة معايا، وهي ميزة إن الناس طول الوقت تكون حريصة إنها تشوفك وتتابع أخباري، بس الناس مش بتركز على شغلي قد ما بيركزو على إن بلبس ايه، ومقتنعة بمقولة القالب غالب وإحنا لازم نكون مهتمين بلبسنا وجسمنا عشان إحنا قدوة للناس».

وقالت عن انتقادات صورتها مع أحمد الفيشاوي: «الناس طلعت شائعات إني هتجوز أحمد الفيشاوي بسبب الصورة، وإحنا لايقين على بعض بس أنا مش ناوية أتجوز، وأنا وأحمد بنعمل فيلم وكنا بنقرأ السيناريو في الصورة».

أبطال مسرحية رانيا يوسف .. طارق صبري آخر المنضمين لـ «قمر الغجر»

رانيا يوسف: «بفضل ضل الحيطة عن الراجل.. وأنا والفيشاوي لايقين على بعض»