رحاب فتاة البراجيل.. خطيبها السابق دمر حياتها وورطها في قرض ووصيتها.. سامحوني ومتصوتوش

قبل تناولها المادة السامة بساعات، نشرت رحاب فتاة البراجيل، مقطع فيديو على حسابها على تيك توك، تقشعر له الأبدان لم يتخطى 30 ثانية، تداوله رواد مواقع التواصل الاجتماعي.

رحاب فتاة البراجيل

وظهرت رحاب، في الفيديو مرددة: 'باعتبار إني بكرة هموت في حادثة، قولوا لأمي في جنازتي متصوتيش.. وقولوا لإخواتي أن انتم كنتم أعز شئ في حياتي وفي وجودي ومماتي.. وبلغوا صحابي أنهم يقفوا على قبري وميصوتوش.. ويطلوا كل شوية على أمي وميعيطوش.. متكسروش قلبها كفاية قلبها مكسور في بعدي.. والعلم عند الله'.

التصريح بدفن جثة رحاب فتاة البراجيل

قررت جهات التحقيق بالجيزة، التصريح بدفن جثة رحاب فتاة البراجيل، بعد الانتهاء من تشريح جثمانها، وتسليمها لذويها، واستمعت جهات التحقيق إلى أقوال أسرة رحاب فتاة البراجيل، للوقوف على ملابسات الواقعة.

فتاة البراجيل تتخلص من حياتها

كانت أقدمت رحاب على التخلص من حياتها بتناولها مادة سامة ونقلت على أثرها إلى المستشفى وظلت تصارع الموت الموت خلال 4 أيام، حتى لفظت أنفاسها الأخيرة في المستشفى مساء أمس الخميس، وتم نقل جثمان المتوفاة إلى المشرحة تحت تصرف النيابة العامة التي انتدبت الطبيب الشرعي لتوقيع الكشف الطبي عليها وتحديد أسباب الوفاة وإعداد تقرير واف حول الواقعة.

رحاب فتاة البراجيل

تشيع جنازة رحاب فتاة البراجيل

شيعت العشرات من أهالى البراجيل بمركز أوسيم جثمان رحاب فتاة البراجيل، التي لقيت مصرعها بعد تناولها مادة سامة وتوفيت على أثرها.

والدة فتاة البراجيل: عاوزة حق بنتي من خطيبها

قالت والدة رحاب فتاة البراجيل، أنها نجلتها كانت مخطوبة لشاب يدعى 'حسام'، يعمل فى مغسلة فى البراجيل وعندما ظهرت عيوبه قررت أنها تنفصل عنه، خطبها لمدة 6 شهور وكان بيسرق فلوسها ويضربها.

وأضافت خلال تصريحات صحفية، 'جات قالتلى ده بيضربنى وبيسرق فلوسى، قولتلها سيبه وقولتله ماتجيش لبيت هنا تاني، وبعد أسبوع صاحب المغسلة اللى شغال فيها جابوا ورجعوا، وطلب منى أنه يرجعلها ورجع وحصل معاها مشكلة وراح ضربها فى الشغل'.

وتابعت 'سايبها ورحع تاى مرة كمان وسيد اللى رجعها، واتصلت بوالد حسام وعرفته اللى ابننه بيعمله وخد الدهب باعه وقالى عشان والدى بيعمل عمرة للعربية، قالى لو جاى عندك تاى اضربى وخدى واعمله محضر فى القسم'.

واسطردت حديثها 'قالى أنا هسألك على حاجة هو حسام جابلك أنبوبة قولتله لاء فالى ده قالى أنك محتاجة أنبوبة وخدها عشان يجبهالك قولتله ابنك حرامى ومجابليش حاجة، وأنا طردته وهو بيلف على ولادى المتجوزين بيقولهم أنا عاوز أرجع لرحاب'.

واستكملت' سيد كان بيحاول يرجعها وهو زى أخوها وماكانش عاوز يخطبها ولا حاجة ولو كنت محتاجة أى حاجة كنت بكلمه وحسام غدر بيه وقتله بعدين عشان كان غيران منه'.

وأوضحت حسام خد قرض وكان عاوز بنتى اللى تسدده ومضها على 18 كمبيالة، وكان بيهددها بالقتل، وجلنا واحد من البنك اسمه ربيع وقالى حسام اللى كان خاطب بنتك، كان واخد قرض ورحاب كانت ضمنها قولتله واحنا مالنا قالى هى ضامنه ولازم هى تسدد مكانه عشان هى اللى ضمنه.

روحت قولت لرحاب إنتى ضامنه حسام فى قرض وخايفة تقوليلى قالتى هو ربيع قالك قولتلها ولا يهمك أنا هسده ولا يهمك خالص وبعد يومين حصل اللى خصب وأخدت الحبة وتعبت وقعدت 4 أيام تعبانة وماتت، أنا عاوزة حق بنتي وكل من كل اللى اتكلم عليها أو قال أى كلمة في حقها 'حسبى الله ونعم الوكيل'.