رد حاسم من خالد بيبو على تقارير رحيله عن الأهلي

كشف خالد بيبو، مدير الكرة بالفريق الأول لكرة القدم بالنادي الأهلي حقيقة الأنباء التي تحدثت عن رحيله عن منصبه بالقلعة الحمراء، بنهاية الموسم الحالي.

وقال خالد بيبو، مدير الكرة بالفريق الأول لكرة القدم بالنادي الأهلي، في تصريحات تليفزيونية :" البعض مستعجل اني امشي ومهتمين جدًا، بس دا مبيفرقش معايا وبقولهم متتعبوش نفسكم ، أنا شغال في الأهلي وأي مكان هخلص  في شغلي سواء فيه من أكاديمية للناشئين او حتى للفريق الأول، وانا تحت أمر الأهلي في أي وقت، وهأدي دوري في الوقت والمكان اللي الاهلي محتاجني فيه.".

وأكمل:" أوضة اللبس سواء بيا او بغيري هتفضل بخير، لأن قواعد الاهلي بتمشي على التخين، ومش لازم اقول للناس انا بعمل ايه مع اللاعيبة ،دا مش شغل حد دا شغلي انا ، انا مفيش لاعب مش بقعد معاه عشان ليا دور نفسي برضه، انا بتعامل مع 30 نجم مش كلهم واحد وكل واحد ليه طريقة واسلوب".

وتابع خالد بيبو: " لما أوضة اللبس في الأهلي فيها مشكلة اومال "الأوض" التانية فيها ايه ،اللي يزعلني ان فيه ناس بتصدق مجموعة هدفها خالد بيبو عشان خالد بيبو مبيردش عليهم ، عشان خالد بيبو مبيعملش مداخلات معاهم،عشان خالد بيبو مبيديهمش أخبار، انا لحم كتافي من خير الأهلي لو إبعاد خالد بيبو هيخلي الأهلي كويس اول واحد هيمشي مفيش مشكلة، انا انبسطت وشبعت وتعبت وخدت كله خير من الأهلي".