رد خالد عليش على حكم تغريم طليقته: «مش غاوي بهدلة وبطلب حقي بالقانون»

علق خالد عليش الفنان والإعلامي على حكم المحكمة الأخير بإلزام طليقته دفع 50 ألف جنيه تعويضًا لحرمانه من رؤية ابنته الصغيرة.

تعليق خالد عليش

كتب الفنان خالد عليش في منشور عبر حسابه الرسمي بموقع التواصل الاجتماعي فيس بوك: «من شهر مايو اللي فات وأنا كسبان قضية إني أشوف بنتي 11 ساعة في الأسبوع وبالتالي أقدر أخدها وأخرجها زي ما كان الاتفاق اللي تم وقت الانفصال».

أضاف خالد عليش : «واللي على أساسه بدفع المبالغ المالية المطلوبة مني، وبالمناسبة أنا كنت بشوفها فعلًا أول كام شهر بعد الانفصال زي الاتفاق ولكن فجأة بدأت حجج كتير لمنعي ومنع أهلي».

واستكمل الفنان خالد عليش تعليقه: «واضطريت أطلب حقي بالقانون مع إني مش غاوي بهدلة، ومن وقت الحكم في شهر مايو اللي فات وبعت بطرق غير رسمية ورسمية إني أطلب أنسق عشان آجي أخدها وأفسحها وأرجعها ومفيش فايدة».

تعليق خالد عليش

خالد عليش وطليقته

وتابع الفنان والإعلامي: «لجأت لطرق قانونية تثبت عدم رؤيتي والنهاردة خدت حكم جديد بتغريمها مبلغ مالي لعدم تنفيذها الحكم، حكم كل معناه إني أب بيدفع اللي عليه واللي متفق عليه ومحروم من بنته برضه».

قال خالد عليش أيضًا: «ولحد دلوقتي مستغرب جدًا إن في حد موافق أن أم تمنع أب عن رؤية طفلة وتكون بتتشرط عليه وتمسكه من إيده اللي بتوجعه ويتسقفلها كمان، ومتعجب جدًا إن في أم بترفع استئناف وتقاتل».

وتابع: «عشان تمنع حكم بيقول أن بنتها تستمتع بـ باباها ويخرجها ويفسحها ومصممة أنه ينفذ رؤية قانونية فقط ويقعد معاها ساعتين زي المسجون في مكان مقفول، آخر حاجتين كنت أتمناهم في حياتي إن أنا وأم بنتي نقف في المحاكم قدام بعض».

واختتم خالد عليش أول رد له بعد الحكم: «وإن بنتي تعيش أحلى أيام طفولتها محرومة من فسح وحنان أبوها، ولسه عندي استعداد للحلول الودية بدون ابتزاز أو استغلال».

«جنح الهرم» تلزم طليقة خالد عليش بـ 50000 جنيه تعويض لحرمانه من رؤية ابنته

خالد عليش تريند جوجل بسبب ابنته: صورتك لا تفارق مخيلتي