رسالة أصالة نصري للجمهور قبل طرح ألبومها الجديد لحقت نفسي

حرصت المطربة أصالة نصري، على توجيه رسالة خاصة للجمهور قبل طرح ألبومها الغنائي الجديد الذي يحمل اسم لحقت نفسي على موقع الفيديوهات يوتيوب.

وكتبت أصالة نصري، عبر حسابها الشخصي على موقع التواصل الإجتماعي إنستجرام: بقدّملكم كلّ الأوقات الحلوة المليانة محبّة وصحبه وعمل دؤوب لإنجاز مشاهد منّ مواقف من مشاعر .. أغاني بتحكي عنّي وبتحكي عنكم.

وتابعت: عشنا أنا وحبيبي شريكي وصديق الرّوح فايق أيّام طويلة بأماكن كتيرة لنرسم كلّ صورة وكيف لازم تطلع بأحلى وأطيب ما يمكن.. بدًي أشكر كلً صديق عزيز موجود إسمه بالأغاني الستّة اللي رح تسمعوها وبعد وقت قليل رح أتبعهم بستّ أغاني بتقديم مختلف.

واستكملت أصالة: شكرا لأخي وسندي أنوس وفريق كبير معه بيساندني وبيفكًر لي.. وشركة كبيرة مجتهده رائدة بالموسيقى وكتير منّ باقي الفنون بيتي الحنون (روتانا ) وكل اللي فيها

يشتغلوا بحب وبتحسّ إنهم ولاد الشّركة الكبار.. وإدارة أعمالي صديقي طوني سمعان موجود معي بكلّ صغيرة وكبيرة وكلّ عيلتي اللي رأيهم بيهمني وكل اصحابي الّلي برّروا غيابي وقدّ مااشتاقوا لي اشتقت.

وأضافت: الموسيقى وطن رح ننضمّ إليه أنتوا وأنا لنسمع نفس الحكاية بذات الوقت.. ما بخفيكم خايفة وكأنًي أوًل مرّة رح أقدّم لكم أغاني .. كتير تعلّقت بكل أغنية غنّيتها ويمكن فيه أغاني عدتهم أكتر من عشر مرّات وبكلّ مرّه كنت عم أدوّر على ستّ أنا بعرفها والقصّه قصّتها وعندا شخصيّة ضروري تكون حلوة والجمال اللي بشوفه فيها بتمنى تشوفوه مثلي بتمنّى الأغاني تخلي أوقاتكم حلوة.

وأختتمت أصالة: كلّ المحبّة وكلً الإمتنان على أيّام كتيرة ساندتوني فيها وقوًيتوني وفيكم كبرت .. هلّأ أنا عم ردّ محبّتكم بمحبّه بموسيقى بإخلاص بالإبقاء عالإلتزام الّلي منّ خلاله بدينا سوا وكبرنا سوا وكلّنا محبّين الفن وأهله ..الّلي عمّ قدمه بطريقتي لوطني الغالي ( الموسيقى) هو أحلى وأغلى ماعندي بفضل الله.. ورح أحكي تباعاً عنّ كلّ أغنيه على حدن .. حبايبي راح يكون باول اكتوبر بين إيديكم بعض منّ روحي على شكل أغاني ومتل مابدينا مكملين.