رسالة أنغام لـ شيرين عبد الوهاب بعد أزمتها الأخيرة : «بنت الأصول»

دعمت الفنانة أنغام، صديقتها الفنانة شيرين عبد الوهاب، بعدما تعرضت للإساءة من والد زوجها الفنان حسام حبيب، وخرجت في فيديو لتوضح حقيقة انفصالهما .

وكتبت أنغام عبر حسابها الشخصي «فيس بوك، «بنت الأصول، ومتربية على الأصول، شيرين عبد الوهاب».

وقد خرجت شيرين في فيديو لتوضح حقيقة الأمر قائلة، «عايزة أطمن كل الناس اللي بتحبني، أنا بخير، ومفيش أي نوع من الخطر عليا ولا على حياتي.. حسام جوزي إنسان من أنضف رجالة الدنيا، وإنسان محترم ومتربي وبيحبنى اكتر من نفسه، وميستاهلش كم القسوه ده منكم».

وأضافت، «حسام حبيب ربنا حطه في طريقي في وقت أنا كنت فيه متكسرة ومتدمرة، هو بنالي شخصيتي وخلاني بقيت بعرف أتكلم ورجعلي لنفسي تاني الثقة.. حسام ربنا هو اللي بعتهولي، وربنا مش هيعمل حاجة وحشة، وحسام بيحبني اكتر من نفسه أنا وبناتي».

وتابعت، «حسام حبيب من ساعة ما اتجوزني مستفدش بأي حاجة، ومعملش لنفسه أي حاجة.. حسام عايش معايا بس عشان يخاف عليّا وعلى عيالي من كل شيء، مفيش أي حاجة من اللي اتقال ده خالص، حسام إنسان نقي ونضيف وربنا هو اللي بعتهولي.. في حاجات كتير أوي بس مش المفروض أرد عليها، ولكن حماتي اللي ربت راجل أخلاقه كده لازم تكون ست عظيمة، حسام راجل عظيم وأمه ست عظيمة، وبتمنى منكم تدعولنا بالذرية الصالحة».

حسام حبيب لـ شيرين عبد الوهاب: «اتجوزتها وهي أنجح واحدة في الوطن العربي»

شيرين عبد الوهاب عن زوجها حسام حبيب: «بيحبني أنا وبناتى أكتر من نفسه »