رسالة قاسية من فريدة سيف النصر لأبطال مسلسل العتاولة بعد تجاهلهم لها

تحدثت النجمة فريدة سيف النصر عن كواليس مشاركتها في مسلسل العتاولة، والذي عرض بموسم مسلسلات رمضان 2024، مشيرة إلى أنها مستاءة لما حدث لها من تجاهل أبطال العمل لها خلال اللقاءات التلفزيونية التي يظهرون بها.

فريدة سيف النصر توجه رسالة لأبطال العتاولة

وقالت فريدة سيف النصر، في تصريحات تلفزيونية: 'بحبكم بجد وأديت كل اللي في قلبي بجد وأتمنى النجاح للكل بجد اللي بيحب ربنا بيعرف المحبة وبيحب كل اللي خلقه ربنا والروح اللي حاطتها في أي جسد'.

وتابع: 'ما دام جواكي رحمة يبقى جواكي حب، وأكيد ربنا هيبقى في ضهرك، وأنا بقعد أشكر ربنا وبتخض من الحب وبلاقي مظاهرات لشباب تحت البيت عاوزين يتصوروا معايا، فأنا بقول لهم إني بحبهم رغم إني زعلانة لأني حبيت سترة وماتت'.

فريدة سيف النصر

فريدة سيف النصر وباسم سمرة

ووجهت فريدة سيف النصر رسالة للفنان باسم سمرة، وقالت: 'شكرا يا أستاذ باسم لأنك في كل الأماكن بتجيب سيرتي'.

وأضافت بتوجيه رسالة إلى شخصية سترة، وقالت: 'سترة أنتي تعبتيني معاكي لأنك فاكرة كل الناس أبيض وبتقولي كل حاجة كويسة، اتعلمي تقعدي وتعملي بريستيج، وأنا مش حاسة إني عاملة أفضل ما عندي ما كانش عندي فرصة لده لأن كان فيه كاست كبير جدا فأنا كنت بعافر إني أعمل شغلي صح وأنا كنت وقتها سترة بجد مش فريدة'.

وانهت كلامها: 'سترة بالنسبة لي فيها كتير مني وأي شخصية قبلتها وحبيتها فيها مني، زي أصيلة في بدون ذكر أسماء، وأنا أي عمل بيفضل معايا شوية بعد ما يخلص'.

فريدة سيف النصر وشخصية سترة

أثارت النجمة فريدة سيف النصر الجدل حول نهاية مسلسل العتاولة، مشيرة إلى أنها لا تعلم السبب وراء انتهاء دور 'سترة العترة' بموت الشخصية.

قالت فريدة سيف النصر خلال تصريحات تلفزيونية: 'معرفش سترة ماتت ليه أنا كنت موجودة آخر يوم تصوير في اللوكيشن، الناس بتقولي إنتي كنتي عيانة، يا جماعة أنا كنت كويسة وكنت في اللوكيشن'.

وتابعت: 'لما لقيت نفسي مش هصور أنا جيت للسقا وسلمت عليهم وقولتلهم إني مبسوطة إني شفتكم، الشخصية ماتت، بقول لأحمد السقا وأحمد خالد موسى لما إنتوا قاعدين مع بعض على الكتابة ليه تموتوني طيب؟'.

فريدة سيف النصر

ليرد أحمد السقا في تصريحات له: 'محدش عارف يا مدام فريدة ما يمكن يكون ليكي دور في الجزء التاني متحرقيش الجزء التاني'، وقال باسم سمرة: 'ما دام عيسى الوزان مموتكيش يبقى إنتي عايشة'.

سبب اعتذار فريدة سيف النصر عن التكريمات

وعلى جانب أخر، كانت النجمة فريدة سيف النصر كشفت السر وراء اعتذارها عن حضور عدد من التكريمات التي تعرض عليها، وذلك عقب نجاحها في أي عمل فني.

أشارت فريدة سيف النصر، إلى أنها ليست من الفنانين الذين يسعون وراء اغتنام الشهادات، وكتبت عبر حسابها بموقع التواصل الاجتماعي وقالت: 'والنبي ما تزعلوا مني افهموا طبعي، والله العظيم ده التكريم 15، وقبله جرائد كبيرة وقنوات وحتى في لبنان وجريت هربت، وكل سنة كتير'.

وتابعت سيف النصر: 'أنا مش من هواة لم شهادات وتماثيل.. وأجري لوحدي وكأني نمبر وان العمل، لأ أي عمل عملته وراه ناس كتير أوي لنجاحي، أنا باخد اللي أكبر من كل ده أنا في حضن قلبي جمهوري، واللي بيعمله معايا دائمًا رغم أي حد بيردم على نجاحي تراب، هما بيشيلوا التراب ويحطوا دهب والماس، بحبهم اللي كنوز الدنيا ما تقدرش تشتريه لأي حد.. أعتذر كل تكريم وبحبكم لكن من الظلم ترك الآخرين في الظل'.

فريدة سيف النصر

واستكملت فريدة سيف النصر كلامها، وقالت: سامحوني دي فريدة وتفكيرها اللي جايبني ورا لكن هاعمل إيه دي أنا، بالمناسبة بتكلم عن زملاء عجبوني أوي اتقال لي انتي عبيطة بتنوري غيرك اللي ماجابش سيرتك تاني، أنا مالي دي أنا، ويمكن ضميري ده اللي محبب خلق الله فيا بأمر من رب العالمين، يا ناس خلوها على الله دي كلها متر في متر فوقوا والنبي'.