رضا البحراوي يحسم جدل خلافه مع محمود الليثي وحمادة الأسمر: طول عمري بقف جنب الكل

حسم المطرب الشعبي رضا البحراوي جدل خلافه مع المطرب الشعبي محمود الليثي، وحمادة الأسمر.

كتب رضا البحراوي في منشور عبر حسابه الرسمي بموقع فيس بوك: «الحمدلله والفضل والشكر لله وحده الذي أنعم علينا بسلامة الصدر ونقاء السريرة فوالله ما أذيت أحدًا ولا سعيت في ضرر إنسان والحمدلله الذي جعل قلبي عامرًا بالخير».

حقيقة خلاف رضا البحراوي ومحمود الليثي

وتابع: «أنا حابب أوضح للناس كلها إن أخويا وحبيبي محمود الليثي وأخويا حمادة الأسمر أبو ماسة مفيش بينا أي عداوة إحنا كلنا أخوات وكلنا راجل واحد ومحبتي لكل الناس في المجال وخارج المجال معروفة».

واستكمل رضا البحراوي: «أنا طول عمري بقف جنب الكل وبحب الخير لكل الناس ولا عمري حقدت على حد ولا بصيت لحد والحمدلله أنا ماشي وربنا هو اللي ساندني وبوجه كلامي لكل زمايلي في المجال إحنا كلنا أخوات لازم نحب الخير لبعض ونفرح لنجاح بعض لأن الدنيا فانية والسيرة الطيبة هي اللي باقية».

تصريحات رضا البحراوي

وأضاف: «وخلوني أوضح إن كلامي ده نابع من ثقتي بنفسي ومن أصلي مش خوف من حد فالقوة من الله وحده».

واختتم رضا البحراوي: «وفي الختام بوجه رسالة للأستاذ طارق عبدالستار وبقوله معلش يا حبيبي المسامح كريم وأنا عارف إنك خايف عليا وزعلان عشاني ومقدر جدًا خوفك ده ومحبتك ليا وبقولك إحنا كلنا إخوات ومفيش عداوة بينا والقلوب الصافية هي اللي بتبني وكل تقديري واحترامي ليك.. إخواتي وحبايب قلبي بحبكم في الله أخوكم رضا البحراوي».