رضوى الشربيني تعتذر لشقيق شيرين عبد الوهاب

حرصت الإعلامية رضوى الشربيني على الإعتذار لـ محمد عبد الوهاب، شقيق الفنانة شيرين عبد الوهاب، بعد الأحداث الأخيرة التي تعرضت لها شقيقته مؤخرًا على يد طليقها الفنان حسام حبيب.

وأوضحت رضوى الشربيني، في لايف بثته عبر صفحتها الرسمية على فيس بوك، قائلة: «أنا هاجمت أخو شيرين في برنامجي وكنت بدافع عن حسام حبيب، أنا آسفة واللي يغلط يعتذر، لو أخوها نصاب وكان معاه توكيل لما شيرين دخلت المستشفى ما بعش لنفسه كل حاجة ومحجرش عليها ومعملش اللي أنت عملته ليه؟».

وتابعت ر ضوى الشربيني، قائلة: «من حقك تمشي من أي علاقة ما تعجبكش بس امشي بشياكة وبعدين حد ضربك على إيدك، أنا سمعتها في مداخلة بتقول لما تشوفوا حسام تبولوا على وشه، كملت ليه يا معلم، حد ضربك على إيدك؟ أنا مش راجل ولو حد طلع في برنامج يقول كده لو في عيش وملح بينه وبينه أقل واجب هسكت من غير قضية سب وقذف».

وأشارت رضوى الشربني قائلة: «لما تقول أصلي بحبها، فيه حد بيحب واحدة يسلمها للأموال العامة، قول الكلام ده في النيابة علشان تدافع عن نفسك، مش على الملأ، بيقول في التسجيل الصوتي إذا كنت أنا واخد 5 آلاف دولار، فهي جيباهم منين؟ نشوف الأموال العامة هتعمل إيه معاها.. هل ده يعقل؟.»

وتحدث الإعلامية رضوى الشربيني عن أزمة الفنانة شيرين عبد الوهاب، مع طليقها الفنان حسام حبيب، بعد تصريحاته في تحقيقات النيابة، بعدما تقدمت ضده ببلاغ اتهمته بالإعتداء عليها بالضرب وسرقة مبلغ مالي من حقيبتها وهاتفها الشخصي.