رضوى الشربيني تكشف حقيقة زواجها من رجل أعمال إماراتي.. فيديو

تصدرت الإعلامية رضوى الشربيني الترند على مؤشرات البحث في موقع جوجل، عقب ظهورها في بث مباشر عبر صفحتها الرسمية على فيس بوك، تحدثت من خلاله عن الشائعات التي تلاحقها في الفترة الماضية.

وكشفت رضوى الشربيني خلال الفيديو حقيقة زواجها من رجل أعمال إماراتي، كما يردد البعض على عدد من صفحات التواصل الاجتماعي، مؤكدة على أن تلك الأنباء شائعة ليس لها أساس من الصحة.

وأوضحت رضوى الشربيني، قائلة: «أنا لو هتجوز هعلن ده انا حبيت اقول للهبيدة اكيد لا انا متجوزتش، لدرجه انهم حطوا صورتي مع شقيقي وبتقولو ده خطيبي الإماراتي،  صراحة مستغربة من اللي بيتعمل ده، حبيت اقول لجمهوري اللي بيسعد قلبي شكرا ليكم انكم بدفعوا عني بالشكل ده، وانتم احلى حاجه حصلت في حياتي».

وتابعت مداعبة جمهورها قائلة :«أنا بلاقي نفسي متجوزة كل شهر من حد مختلف، يا جماعه لو اتجوزت كان زماني حامل في حمادة دلوقتي مش كدة ، أنا متجوزتش حد عنده اطفال بالمناسبه زي ما احد الجمهور قال كدة».

وعن تعليق أحد متابعينها بأنها تزوجت وجعلت الفنانة ياسمين عبدالعزيز تنفصل عن الفنان أحمد العوضي: «أنتم عندكم مشاكل أكيد عشان تفكروا بالشكل ده».

وتحدثت رضوى الشربيني عن خطوتها الجديدة في الإعلام، قائلة: «أنا حاليًا في استراحة محارب، وحبيت إني أكون معاكم هنا على السوسيال ميديا، ولسه مستقرتش على اختيار الخطوة الجديدة، واما يحصل ده أكيد هعلن لكل اللي بيحبوني».