روحي شوفيلك تربة .. مأساة الحاجة فايزة ابنتها طردتها في الشارع تنام مع الكلاب

بنام في الشوارع وبنيتي طردتني من البيت وحسبي الله ونعم الوكيل فيها.. بهذه الكلمات روت السيدة فايزة معاناتها ومأساتها التي تعيشها بعد أن قامت ابنتها بطردها من الشقة التي تملكها والاستيلاء عليها وتركها في الشارع تعيش بلا مأوي

وأضافت السيدة فايزة، خلال برنامج «تفاصيل»، مع الإعلامية نهال طايل، المذاع على قناة صدى البلد، أنها قامت ببناء المنزل وكافحت من أجله، بعد معاناة كبيرة بعد رحيل زوجها، مشددة على أنها راعت ابنتها لدرجة أن الأهالي كان يطلقوا عليها 'الغفير لها'.

وتابعت أنها تعاني من شدة المرض، قائلة:«كنت بنام في المنور.. وحسبي الله ونعم الوكيل فيها.. طردتني»، مبينة أن نجلتها قامت بطردها بعد سنوات من الشقى والعذاب بخلاف تربيتها لها.

وقالت:«ده بيتي وعايزة تستولى عليه بالعافية.. نسيت كل حاجة عملتها ونسيت تربيتي لها.. مش هقول غير إن ربنا هيجيب حقي.. مش بتسأل عليا.. واقفة جنب ابنها في البلكونة وهو بيحدف عليا البلاط.. دى واحدة جافية وقاسية القلب.. جوزها هو اللي مخليها قاسية، مكناش حيلته حاجة وهو استولى على البيت كله».

وأوضحت قائلة:«كنت عايشة معاها بفلوسي وبالمعاش.. حاجتي اللى كانت مخلينى عايشة معها.. دى واحدة مش عايزة تشوفني ولا تشوف إخواتها»، مبينة:«هم مع بعض كويس.. ده أخرة التربية بتاعتي.. ربنا مبارك لي في ولادي الرجالة.. معايا مرات أيمن ابني دى حبة عيني.. مريم حبة عيني.. الحبيبة اللى يخلف عليها بالخير».

وقالت:«حسبي الله ونعم الوكيل فيها.. يقعد في ابنها.. مش مسامحة وربنا يجيب لي حقي.. أنا عايزة ربنا يجيب حقي.. كسرتي لمدة 45 سنة.. أنا مستنية حقي من ربنا.. أنا طفحت الدم على ولادي الأربعة.. ربنا كبير ومفيش أحن ولا أكبر منه ومش بطلب أكثر من حقي.. دي شقتي اللى طفحت فيها الدم.. ده جزائي.. شقتي.. تقولي روحي شوفيلك تربة.. حتى لو كنت بموت مش تقول الكلمة دي».