ريم البارودي: بتضايق من ربطي باسم أحمد سعد وكنت هموّت نفسي بسبب سيدة ملبوسة

أثارت الفنانة ريم البارودي ضجة واسعة وجدلًا كبيرًا خلال الساعات الماضية، بعد أن كشفت العديد من أسرارها وخلافاتها مع عدد من النجوم والمشاهير بالإضافة إلى محاولة إنهاء حياتها.

كشفت الفنانة ريم البارودي حقيقة ترشيحها لمسلسل جعفر العمدة ضمن موسم دراما رمضان 2023 الماضي، لتقدم شخصية دلال التي ظهرت بها الفنانة إيمان العاصي.

تصريحات ريم البارودي

نفت الفنانة ترشيحها لمسلسل جعفر العمدة، وقالت عن مخرج العمل في تصريحات تلفزيونية: «معرفش محمد سامي مش بيحبني ليه، ومبقتش أعرف مين بيحبني ومين لا، وخسرت ناس كتير في الوسط وبره الوسط لأنهم لمة كذابة، و50٪ بيحبوني و50 لا، ومفيش حد وقف جنبي غير واحدة بس».

وتحدثت ريم البارودي عن علاقتها بعدد من نجوم الفن، ومنهم الفنانة وفاء عامر قائلة: «زعلي من وفاء عامر بقاله سنة وشهرين، ومعرفش ليه طلعت وقالت إنها كانت بتسمع من طرف واحد في حد مسخنها عليا، هو إنتي أيام أحمد سعد سمعتي من طرفين؟.. لا أفهم لماذا تقول إنها ترفض التدخل في الخلاف مع ريهام سعيد، هي تدخلت بالفعل طريقتها في الحديث مختلفة».

وتابعت: «يبدو أنها غاضبة من شيء ما.. هي ست بتاعة ربنا وبتعمل عمرة وتصلي، لكن إنتي مسمعتيش المشكلة من طرف واحد، أنا زعلت منها لأنها الممثلة الوحيدة اللي راحت فرح المتهم اللي حصلت على حكم ضده، ولما سألتها قالت لي أنا بسحبه لينا.. فلما أشوفها بتتكلم كده دلوقتي، ألطم على وشي ولا أقطع شراييني؟ من وفاء عامر وتصريحاتها واللي بتعمله معايا، أنا اصلا مش بكلمها».

ريم البارودي

أسرار ريم البارودي

ومن الأسرار التي كشفتها، اعتذارها عن عدم الظهور مع رامز جلال في برنامج رامز جاب من الآخر، معلقة: «مكنتش أعرف إن إحنا ضيفتين، ثانيًا، رامز لذيذ ودمه خفيف بس تقيل في تقديمته وتقيل في الهزار مع الضيف.. كنت جايبني وسمية الخشاب ليه؟! تضحك علينا الوطن العربي؟! عيب.. الإهانة المتعمدة عيب، مينفعش تقول عليّ حريم فولان وإكسات فولان، عيب، هو ده الهزار؟! وسمية كانت مرحبة إننا نطلع مع بعض وقالت تعالي هنطلع نعمل حلقة حلوة».

وقالت ريم البارودي أيضًا: «رفضت مسلسل جري الوحوش مرتين، لأني عملت دور في الباطنية وأخاف أعيد تجربة مش معمول حسابها في حاجات كتير، وأنا أكتر واحدة اعتذرت عن أعمال وبختار الأعمال بعناية شديدة».

واستكملت: «واحدة بس اللي وقفت معايا هي زينة، وقفت معايا في جنازة والدي ودي أهم من العزاء لأن مفيهاش تصوير زي العزاء»، موضحة أن ريهام سعيد حضرت عزاء والدها من أجل التريند، وزارت بيتها لتسجيل حلقة معها، ولكنها بدأت التصوير دون علم ريم، وفوجئت ريم ببرومو الحلقة يعرض أجزاء هي لم تكن تعلم بتصويرها مثل كلامها عن والدها، ورفضت ريهام سعيد طلب ريم البارودي في عدم عرض الحلقة، معلقة: «والمصحف الشريف أنا اتغدر بيا فى الحلقة وأنا بصور البرنامج مع ريهام سعيد.. ووجودها في العزاء كان قدام الكاميرات عشان تاخد اللقطة.. وأنا سامحتك من قلبي، وأما دخلتي العزاء عليّ نسيت الموضوع ده، نسيت كل الإساءة والشتايم والفيديوهات واللايفات، إنتي والشاهد المتهم دلوقتي بتجيبوا في عرضي وسيرتي وسب وقذف وتريقة، نسيت كل ده وإديتك فرصة تانية، مش هديكي تاني خالص».

ريم البارودي وأحمد سعد

وأوضحت الفنانة ريم البارودي إنّها تغضب من ربطها باسم طليقها الفنان أحمد سعد، مضيفة: «بتضايق أكيد، بتضايق من التريندات الرخيصة والمواقع اللي بقت معتمدة على التريندات ولازم أتضايق من ربطي باسم أحمد سعد، ومش شايفة إني كنت مأفورة في المشكلات معاه، وشايفة إني أقل بعد كل مطربات الوطن العربي اللي بيتخانوا ويتكلموا في برامج ويعملوا مداخلات، أنا مهنتش أحمد سعد واتكلمت في حاجة تخصني وفي عز المشاكل كنت بقول إنه كان راجل كريم وكويس».

كما كشفت أسباب رفضها المشاركة في فيلم التاروت مع الفنانة سمية الخشاب، قائلة: «مش مناسبني والله العظيم».

وعلقت ريم البارودي، على هجومها القوي على متابعيها بسبب انتقادهم لها بعد ارتدائها الحجاب في الكعبة، قائلة: «آه، مش بقدر أمسك نفسي، ولو قدامي همسكه من لسانه، وقلت لواحد منهم يا أهبل يا عبيط.. والذباب الإلكتروني والمرضى النفسيين بهاجمهم.. كنت في بيت ربنا، وأنت مالك لما أرجع ألبس عريان ولا ملبسش، أنا اللي هتحاسب ولا أنت؟!».

وكشفت تفاصيل محاولتها الانتحار في الجزائر، خلال تكريمها من وزارة الثقافة بسبب سيدة ملبوسة، معلقة: «كنت معزومة في تكريم تبع وزارة الثقافة، ومحصلش حاجة من اللي قالولي عليها، وقررت إني مش هنزل الحفلة، وطلعولي واحدة ملبوسة صوتها بيتغير، بتقولي أنا ملبوسة، قُلتلها لو انتي ملبوسة أنا مجنونة، وكنت هرمي نفسي من الدور الرابع خوفًا منها».

ريم البارودي

ريم البارودي وريهام سعيد