ريم البارودي تحيِ الذكرى الأولى على رحيل والدها: عدت سنة شوفت فيها أسوأ قلوب البشر

حرصت الفنانة ريم البارودي على إحياء الذكرى الأولى على رحيل والدها المهندس مجدي مدحت عزت البارودي، والذي توفى يوم 11 يناير عام 2023.

ريم البارودي تحيي ذكرى وفاة والدها

كتبت ريم البارودي عبر حسابها بموقع إنستجرام: 'اللهم اني لا اسالك رد القضاء ولكني اسالك دائما اللطف فيه، توفي الي رحمه الله والدي المهندس مجدي مدحت عزت البارودي، ١١ يناير ٢٠٢٣ أول مرة اكتب وأقدر من سنة'.

وتابعت: 'عدت سنة شوفت فيها اسوأ قلوب البشر اتالمت وتعلمت، ومازلت بتألم علي فراقه منذ تاريخ وفاته كان ذلك تاريخ وفاة قلبي لازلت أتذكر تلك الرجفة اللي هزت قلبي حين علمت بوفاته'.

واختتم كلامها وقال: 'سيظل عزائي بك عمرًا حتى نلتقي ياوالدي، اسألكم الفاتحه والدعاء لوالدي ولكل من رحل عنا'.

 

View this post on Instagram

 

A post shared by Reem Elbaroudy ريم البارودي (@reemelbaroudyofficial)

ريم البارودي تتحدث عن والدها

وفي تصريحات سابقة قالت الفنانة ريم البارودي عن والدها: «بابا كانت روحه شباب، كان في المستشفى بقاله تسع أيام بس وأخر فترة كان تعبان مبيتكلمش، وعلى طول سرحان».

وتابعت: «يوم 3 أختي قالتلي بابا تعبان اوي تعالي وديني المستشفى وأخدت جوزها وراحت وقالتلي ده تعبان أوي وشكله مختلف، فلبست بسرعة وروحتله قالي أنا خلاص يا ريم قولتله انت ليه عايز تزعلني».

واستكملت ريم البارودي حديثها، وقالت: «والدي دخل العناية المركزة ويوم 4 عدى ويوم 5 بابا بيصغر وبيخس وتحت عينه بيغمق ودينا قالتلي بابا تعبان جدًا جدًا انتي مؤمنة وبتصلي وعايزة افهمك إن بابا على أجهزة مش عشان يتحسن، عشان يعيش».

كشفت ريم البارودي عن عدم استطاعتها تصديق مرض والدها، وقالت: «ساعتها رفضت جدًا قولتلها انتي كدابة ويوم 6 دينا قالتلي ريم بابا عايز زراعة رئة قولتلها هكلم ريهام سعيد ومن يوم 5 ليوم 9 مكنتش بنام».

واختتمت ريم البارودي، وقالت: «كان طيب أوي، يوم الوفاة لاقيت دينا بتعيط جدًا وقالتلي بابا تعبان اوي ويوم 10 كان كويس اوي وشرب مية زمزم وقال أنا عايز شاي وقالي ادي للناس فلوس أنا طالعة كريمة زيه».