ريم العدل بعد إصابتها بـ"كورونا":«ياريت نهدأ شوية والجونة كانت واخدة كل الإجراءات الوقائية»

بعدما أعلنت الإستايلست ريم العدل إصابتها بفيروس كورونا المستجد، استقبلت عدداً من الرسائل الخاصة بالصحفيين والإعلاميين بشأن تواجدها في الجونة والمخالطين لها .

وعلقت 'العدل' قائلة،'امبارح كتبت بوست بعلن فيه إصابتي بكورونا .. واللي أنا مش شايفاها عيب ولا وصمة لا أنا أول واحدة ولا آخر واحدة يا جماعة.. احنا في وباء عالمي.. وكل واحد مصاب أو مخالط عليه مسؤولية أخلاقية يبلغ اللي حواليه على فكرة عشان ياخدوا احتياطاتهم'.

وأضافت، المهم من أول ما كتبت الپوست وأنا عمال يجيلي مكالمات من صحفيين طالبين تصريحات ومداخلات في برامج مهمة لادانة مهرجان الجونة.. مش فاهمة ليه بجد؟ وكأن فيه ترصد لمهرجان الجونة اللي الحقيقة وبشهادة وزارة الصحة نفسها كان واخد كل الإجراءات الوقائية.. أي فعاليات مش تحت إشراف المهرجان مباشرة لا تخضع لمسئوليته وإنما هي تحت مسئولية منظميها زائد إن كلنا أفراد راشدين مسئولين عن قراراتنا وسلوكياتنا.. فنهدا شوية يا جماعة'.

وبشأن انتشار حالات الجونة خلال الـ24 ساعة الماضية قالت،'على فكرة أستاذة نشوى مصطفى ربنا يقومها بالسلامة يارب ما كانتش في الجونة أصلاً! و ويجز ماكنش في مهرجان الجونة ده واحد كان مسافر الجونة مع اصحابه طيب بلاش .. وتامر هاشم أعلن إصابته قبل الجونة اصلاً و اكيد تامر هاشم اشهر مني بس ما تعملش علي تصريحه الزيطة اللي حصلت امبارح عشان ماكنش في ساعتها جونة نلوم علي منظميها .. كفايا يا جماعة ارحموا نفسكوا.. انا ما شوفتش ناس بتتلكك عشان توقف الحياة بالطريقة دي . ربنا يسلّم ويحفظ الكل'.

في ذكرى وفاة حسناء الشاشة المصرية «مريم فخر الدين».. «بدأت صلاة في سن الـ50 والفضل يرجع للشيخ الشعراوي»

إصابة ريم العدل بكورونا بعد عودتها من مهرجان الجونة.. «هعزل نفسي»