ريم سامي تكشف كواليس أزمة سقوط ابنها: خوف ربنا ما يكتبه على حد

تحدثت الفنانة ريم سامي عن أزمة سقوط ابنها وإصابته في الرأس ودخوله العناية المركزة، ووصفته بأنه أصعب موقف مر عليها في حياتها.

قالت ريم سامي عبر تصريحات إذاعية: «كان أصعب يوم في حياتي لما ابني عنده 7 شهور وقع ربنا ما يوري أم أو أب حاجة وحشة في ولادهم، أنا مبخافش أوي ولكني بخاف على أهلي».

أزمة سقوط ابن ريم سامي

وتابعت: «أمي عملت حادثة زمان وخفت وكنت هموت عليها، ولكني أول مرة أعرف يعني إيه خوف لما ابني وقع، كنت صاحية 8 الصبح وسمعت صوت دبة وفي الثانية دي أنا كنت خايفة أقوم».

واستكملت ريم سامي: «ولاقيت محمد واقع على سن الدولاب ومن كتر ما شكله يخوف بصيت عليه قبل ما أبص على سيف، وقالي خدي سيف وروحي المستشفى بسرعة، هما الاتنين اتزحلقوا والولد وقع لأن محمد طويل، وسيف كان بدأ يفقد الوعي شوية وكنت حاسة إني هموت».

تصريحات ريم سامي

واختتمت: «أنا قلبي جامد وأي موقف بعرف أتصرف، وكان أول مرة أخض أهلي ودخلت المستشفى وأخت محمد هي اللي اتصرفت وكنت قاعدة بعيط وشُفت اليوم ده خوف ربنا ما يكتبه على حد ده أصعب موقف في حياتي».