ريم طارق طليقة شاكوش باكية: «الموضوع أكبر من الخيانة»

تحدثت ريم طارق عن خلافها مع طليقها مؤدي المهرجانات حسن شاكوش، مؤكدة أن ما حدث بينهما أكبر من الخيانة .

طليقة حسن شاكوش

وقالت ريم طارق طليقة حسن شاكوش، في تصريحات تليفزيونية: «الموضوع بيني وبين حسن شاكوش أكبر من الخيانة بس أخلاقيا ودينيا مش هقول ومش هقدر أحكيه..اتحملت مع شاكوش اللي محدش يتحمله من رابع يوم جواز».

وانهارت ريم طارق من البكاء على الهواء، قائلة: اتحملت اللي محدش يتحمله، من البداية ومن رابع يوم في الزواج بشوف كل يوم قصة وموضوع، عايرني بمرضي، وكان عارف إني مُطلقة، وتزوجت شرعيا وانفصلت شرعيا وكان هناك قضية بيني وبين طليقي.

ريم طارق طليقة حسن شاكوش

وتابعت طليقة شاكوش: يكفي أني كنت مهددة بعدم القدرة على الرجوع للبيت إن خرجت منه، خلافات زوجية لكنها ليست مثل الخلافات التي تحدث بين أي شخصين متزوجين.

وأضافت ريم: حسن شاكوش طيب وابن حلال وجدع وشهم عشان كدة وافقت على الزواج منه، لكن الصورة حاجة والحقيقة حاجة تانية.. اللي شفته حسن في البيت كان حاجة تانية خالص، وشفت أبشع حاجات ممكن تتخيليها،

وشفت معاه كل حاجة وحشة محدش يقدر يتخيلها بعيدا عن الخيانة، ونفسي أقول للناس كلها بس مش هقدر أشيل الذنب ده، والموضوع كبير ومش هقدر أحكيه.