ريهام حجاج: اتعرضت لحروب كبيرة بعد جوازي

تحدثت الفنانة ريهام حجاج عن ما تتعرض له من هجوم، مشيرة إلى أنها دخلت في أزمات كبيرة منذ زواجها من رجل الأعمال محمد حلاوة.

ريهام حجاج تتحدث عن الهجوم عليها

قالت ريهام حجاج في تصريحات تلفزيونية: 'احب أن أعبر عن مشاعري واقدر زملائي الذين يشاركوني بطولة أعمالي والحديث عنهم، لكن بسبب الحروب ضدي يتم تصدير صورة عكس هذا للجمهور'.

وتابعت ريهام حجاج: 'اتعرضت لحروب كبيرة جدًا في حياتي بعد جوازي وكان من الحاجات اللي اتحاربت بيها كل المزايا بتاعتي، مش بقول إني كلي مزايا أنا فيا عيوب ومميزات زي أي بني آدم'.

وأضافت: 'كان في إفتراءات وحاجات كتير وأنا مطلعتش رديت، الرد جيه أن كل حد اشتغلت معاه رجعت اشتغلت معاهم تاني، والسنة دي بشتغل مع كاست جديد وكلهم أصحابي، رحاب الجمل أختي وسلوى خطاب بحبها جدا، أستاذ خالد الصاوي يعرفني من أول ما ظهرت وهو أخ وصديق'.

تصريحات ريهام حجاج

واستكملت ريهام حجاج حديثها، وقالت: 'بيكون في علاقات بتتراكم في حياتك والعشرة بتاعة فترة التصوير اللي بتكون طويلة دا بيخلق علاقات إنسانية بتكمل معانا بعد ما التصوير يخلص، وبحب إني أعبر عن مشاعري خاصة لما بنعمل حاجة حلوة بكون فخورة'.

واختتمت كلامها، وقالت: 'بحب أعبر عن مشاعري للزملاء، و99% كنت بحب كل الزملاء اللي اشتغلت معاهم ومرة واحدة محصلش ومكنش في كيميا ومش فاكرة كان ليه'.