ريهام حجاج تنقذ ريهام سعيد من الاكتئاب.. ما القصة؟

وجهت الإعلامية ريهام سعيد رسالة للفنانة ريهام حجاج، بعد وقوفها بجانبها في فترة صعبة مرت بها وأنقذتها من الاكتئاب.

نشرت ريهام سعيد صورة لـ ريهام حجاج عبر حسابها الرسمي بموقع انستجرام، معلقة: «وقفت جنبي وهي متعرفنيش، شجعتني وفضل عندها إصرار أنها تقومني من اللي كنت فيه».

رسالة ريهام سعيد لـ ريهام حجاج

وتابعت: «وهي ملهاش أي مصلحة ولا محتاجة حاجة من حد، إنتي اللي بيقولوا عليه ابن ناس بجد وجدعة بجد وأي حد طلع عليكي كلمة أو اختلف معاكي كان أسود متضايق بس منك عشان مش عارف يبقى في طيبتك ولا يبقي زيك».

واختتمت ريهام سعيد في رسالتها لريهام حجاج قائلة: «تخلصت من الاكتئاب بسبب تشجيعك، ربنا هيفضل معاكي عشان إنتي كويسة بجد، من قلبي شكرًا ريهام حجاج».

رسالة ريهام سعيد لـ ريهام حجاج

تصريحات ريهام سعيد

وفي وقت سابق، فجرت الإعلامية ريهام سعيد مفاجاة عن النجظ محمد هنيدي مشيرة إلى أنه تقدم للزواج منها لكن والدتها رفضته.

قالت ريهام سعيد في تصريحات تلفزيونية: 'اتقدملي فنان من الفنانين ووالدتي رفضت، ودي أول مرة أقولها في حياتي، وهو محمد هنيدي، أنا أهلي موافقوش عشان هو ممثل كانوا خايفين ياخدني معاه في التمثيل'.

وتابعت قائلة: 'كنت صغيرة في الجامعة الأمريكية كنت 19 سنة مثلا في أول سنة في الجامعة، وطلبوا مننا أن نعمل لقاء مع ممثلين وأنا كنت بحب مسرحية 'حزمني يا' رحت المسرح عشان أعمل انترفيو مع أي حد، مين اللي رضي يعمل معايا كان محمد هنيدي'.

وأضافت ريهام سعيد: 'رحت وقفت على باب المسرح أنا وواحدة صاحبتي هي رولين القاسم، كان المساعد بتاعه اسمه جودة طلبت منه أن ندخل نعمل انترفيو، عرفت بعدها أنه أعجب بيا لما كلمني وقالي إنه عايز يتقدم ليا وأنا فرحت جدا هو نجم وكان عامل فيلم 'إسماعيلية رايح جاي' ومكسر الدنيا'.

واستكملت كلامها: 'جيه على البيت وكان جايب هدايا كتير أوي كان لسه راجع من أمريكا، مامتي قالت له هنفكر، وبهدلتني أنا، بالنسبة لأمي المجال دا سمعته سيئة هتأخر برا وممكن حد يبوسني في فيلم، ورفضت'.

ريهام سعيد وريهام حجاج