ريهام سعيد : تعبت من السحر كل لما أصلي أو أمسك سبحة تحصلي حاجات غريبة .. فيديو

أعلنت الإعلامية ريهام سعيد أنها تعرضت للسحر الأسود، بعد تعرضها لأكثر من وعكة صحية خلال الفترة الأخيرة، وإصابتها بفيروس كورونا مؤخرا .

وظهرت ريهام خلال فيديو قالت خلاله، 'أنا مؤمنة إن كل شوية بيتعمل لي سحر بيوقف الحال والشغل والمرض والطلاق، والناس بتاعة ربنا اللي مش بييقى ليها في الدجل والشعوذة، بيقولولي إن أنا معمول لي سحر وكل ما يتفك الجهة دي بتجدده، وللأسف هي مش جهة واحدة اللي بتعمل كده.. ناس كتير أوي وأسبابهم مختلفة'.

وأضافت،'طبعًا كل اللي بيحصل بإذن الله ومن عند ربنا، فأنا مقتنعة أن كل اللي بييجي من عند ربنا خير، لكن أنا تعبت من موضوع السحر لأن بيحصل أمور غير طبيعية ولا تتوافق مع قدراتك، كل ما أجي أمسك سبحة لأعمل أذكار الصباح والمساء يحصل حاجة ومعرفش أقولها.. فعلاً الحاجات دي مُتعبة والناس اللي بتعمل فيّ كده مش عايزة تهدأ غير لما يتقضي علىّ خالص.. أنا زهقت وفكرة أن حد يأذيني بتبقى صعبة أوي'.

وتابعت،'عايزة اقرأ سورة البقرة كل يوم وعايزة أعمل أذكار الصباح والمساء وبدعي ربنا أن يبعد عني هذا السحر، والحسد صعب.. أنا لما بصلي بنهار من الدموع وقرأت لشيوخ بيقولوا أن ده من علامات الحسد'.

وطالبت الإعلامية ريهام سعيد، الدعاء لها بعد إصابتها بفيروس كورونا المستجد، ونشرت صورة جديدة عبر موقع تبادل الصور والفيديوهات «انستجرام».

وعلقت عليه قائلة «أنا أسفة لعدم الرد على المكالمات.. شكرا على سؤالكم.. أرجو الدعاء».

وقد أعلنت الاعلامية ريهام سعيد إصابتها بفيروس كورونا المستجد، منذ أسبوعين، ونشرت ريهام صورة لها عبر حسابها الشخصي بموقع تبادل الصور والفيديوهات «انستجرام»، وعلقت عليها قائلة، «بقالي اسبوعين بعاني من كورونا و الحمد لله الرئة اتاثرت و اتحجزت في المستشفي من شوية».

وأضافت، «احساس غريب وأنت عندك حاجة مميتة . بتراجع نفسك كتير و تحاسب نفسك كتير اكيد غلطت لكن عمري ما قصدت كان دائما الغرض نفع الغير وإظهار الحقيقة» .

وتابعت، «شكرا يا رب علي حبك ليه و شكرا علي ابتلاءتك الكتير الي بتدل علي اهتمامك بيه . اذا كانت دي النهاية يا رب أحسن خاتمتي و أحسب لي كل عمل عملته لوجهك الكريم يا رب انت الوحيد الي عارف انا عملت ايه وكانت نيتي دائما ايه» .

واستطردت، «استحملت و صبرت علي افترا و ظلم كتير . يا رب اغفر لي و سامحني و خلي بالك من أولادي . اذا كان ده اختبار من اختباراتك و لسه في العمر بقيه يا رب اشفيني و اقف جنبي و سهل عليه محنتي أنا راضية بأي شيء . نصيحة لكل واحد بيهاجم مشهور او ناجح انت بتاخد ذنب رهيب انتوا بتاخذوا من اعصابنا و صحتنا و كله علي باطل خلي بالكوا الاذيه دي وحشه اوي و هاتقعد للك في اعز ما عندك، ارجو الدعاء بالخير ليه اي كان هو ايه .اسمحوا لي اني اعتذر لكل فريق العمل السيده زينب و المنتج ممدوح شاهين و الاستاذ المخرج محمد النقلي علي العطله الي لتسببت فيها».

جالي السكر .. ريهام سعيد تعلن اعتزالها الإعلام وتتجه للتمثيل :حلم اتأخر كتير

ريهام سعيد تطلب الدعاء لها بعد إصابتها بفيروس كورونا