ريهام سعيد تعلن اعتزالها السوشيال ميديا: «حاسة إنى هموت قريب»

أعلنت الإعلامية ريهام سعيد، اعتزالها السوشيال ميديا خلال الفترة المقبلة، وذلك يأتي بسبب شعورها بالوفاة قريباً .

وكتبت ريهام سعيد عبر حسابها بموقع التواصل الاجتماعي «فيس بوك»: «أقسم بالله كل حرف كتبته صادق ومن قلبي، أنا حاسه إني هموت قريب عشان كده هبعد عن السوشيال ميديا عشان أقعد مع أولادي أكتر وقت ممكن خصوصا ابني الصغير».

وأضافت، «يمكن سحر ويمكن اكتئاب ويمكن حقيقي، غالبا إحساس الظلم كان بيقتلني بالبطيء، في يوم من الأيام الدنيا قامت عليا عشان تعلب.. أما المعراج وإنكاره عادي.. تامر أمين يغلط في الصعايدة، قاصد أو مش قاصد.. يتوقف 3 شهور.. لكن أنا أعمل أكبر حملة للسمنة وأعالج الآلاف وعمليات ببلاش ويفتروا عليه ويقولوا إني قلت إن ريحتهم وحشه واتوقف سنة».

ريهام سعيد توضح سبب اعتزالها السوشيال ميديا

وتابعت: «كفاية إننا عالجنا أعداد مهولة من الشباب من المخدرات ورحت أماكن خطر جدا عشان توعية الناس بدل ما أتكرم ألاقي نفسي نايمة في أوضة متر في متر مع تاجرة مخدرات والبرنامج يتوقف وأطفال تموت ومدرسة ذوي الاحتياجات الخاصة تتقفل وتطلع ريهام آفاقه وكدابة».

وأكملت حديثه، «لو فضلت أحكي هحكي كتير بس أنا موجوعة ومش قادرة أحكي انتوا ظالمين بتمشوا بكلمة من غير ماتشوفوا ولا تفهموا، لو مت أنا مش مسامحة مش مسامحة أي حد قال عليه كلمه واحده مش حقيقية، مش مسامحة أي صحفي كتب عني كلمة ظلم، مش مسامحه أي واحد كتب كومنت موت بيها أطفال القلب، كفاية إن أي حاجة الإعلام بيتكلم فيها دلوقتي أنا اتكلمت فيها من عشر سنين، مش مسامحة أي حد ساهم في خراب بيتي وضياع مجهود سنين و مش مسامحة أي حد أنا معرفوش بيحاربني وأنا مش عارفة، المهم إني أجهز للقاء ربنا أعوض الصيام وأصلي كتير واتصدق وأدعي . ادعولي انتوا كمان ربنا يغفر لي».

ريهام سعيد ترفض التنازل عن قضية شاكوش .. أعراض الناس مش لعبة

ريهام سعيد تتنازل عن قضيتها ضد سما المصري: «لتخفيف مده سجنها»