ريهام سعيد تفجر مفاجأة: محمد هنيدي اتقدملي وماما رفضته

فجرت الإعلامية ريهام سعيد مفاجاة عن النجظ محمد هنيدي مشيرة إلى أنه تقدم للزواج منها لكن والدتها رفضته.

ريهام سعيد ومحمد هنيدي

قالت ريهام سعيد في تصريحات تلفزيونية": "اتقدملي فنان من الفنانين ووالدتي رفضت، ودي أول مرة أقولها في حياتي، وهو محمد هنيدي، أنا أهلي موافقوش عشان هو ممثل كانوا خايفين ياخدني معاه في التمثيل".

تصريحات ريهام سعيد

وتابعت ريهام سعيد، قائلة: "كنت صغيرة في الجامعة الأمريكية كنت 19 سنة مثلا في أول سنة في الجامعة، وطلبوا مننا أن نعمل لقاء مع ممثلين وأنا كنت بحب مسرحية "حزمني يا" رحت المسرح عشان أعمل انترفيو مع أي حد، مين اللي رضي يعمل معايا كان محمد هنيدي".

وأضافت ريهام سعيد: "رحت وقفت على باب المسرح أنا وواحدة صاحبتي هي رولين القاسم، كان المساعد بتاعه اسمه جودة طلبت منه أن ندخل نعمل انترفيو، عرفت بعدها أنه أعجب بيا لما كلمني وقالي إنه عايز يتقدم ليا وأنا فرحت جدا هو نجم وكان عامل فيلم "إسماعيلية رايح جاي" ومكسر الدنيا".

واستكملت كلامها وقالت: "جيه على البيت وكان جايب هدايا كتير أوي كان لسه راجع من أمريكا، مامتي قالت له هنفكر، وبهدلتني أنا، بالنسبة لأمي المجال دا سمعته سيئة هتأخر برا وممكن حد يبوسني في فيلم، ورفضت".