زوجة رامي صبري تدافع عنه بعد هجوم ويجز عليه.. ماذا قالت؟

حرصت شيري عادل زوجة الفنان رامي صبري على الدفاع عنه، بعد هجوم مطرب الراب ويجز عليه.

نشرت زوجة رامي صبري جزء من تصريحاته التلفزيونية عن ويجز، عبر حسابها الرسمي بموقع انستجرام، وعلقت قائلة: «ده جزء من الحلقة اللي رامي اتكلم فيها عن الراب.. ومن هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني».

رد زوجة رامي صبري على ويجز

وتابعت: «أولاً رامي اتسال سؤال في برنامج ورد وعنده كل الصلاحية لأى رد أو إجابة على أي سؤال يعني مفيش أي مانع يخلي رامي لما يتسأل سؤال ميجاوبش، وثانيًا رامي صبري ده يا حضرت فنان من أهم الفنانين في الوطن العربي ومن أهم الأصوات».

واستكملت زوجة رامي صبري: «ده لو حضرتك مش معانا في مجال المزيكا، وبعدين والله يا ريت رامي عنده الوقت بتاع حضرتك الفاضي أوي بتاع 5 شهور فاضي ياريت كنا نتمنى.. أما بقى موضوع رامي رقم كام ده هو الحقيقة مش شاغل بال رامي أوي بس لو حضرتك شايف إن رامي رقم 19 مع الأسف الشديد لازم أقول لحضرتك تبقى أنت مش موجود على الخريطة من الأساس».

تصريحات زوجة رامي صبري

وأضافت شيري عادل: «أغنية واحدة من رامي صبري واحدة بس تعمل تاريخ لناس، محتاج تذاكر كويس وتعرف أنت بتتكلم عن مين، قبل ما تتكلم لأنك واضح إنك عندك شغل تاني غير المزيكا لأنك لو جوة الشغلانة كنت مش هتقول ولا كلمة من الكلام ده علشان الناس متضحكش عليك».

واختتمت زوجة رامي صبري في ردها على ويجز: «لأنك اتكلمت عن فنان بجد مش جاى يهزر، وأخيرًا لما تحب تعمل دعاية لأغنيتك الجديدة أبعد عن اسم رامي صبري.. أنا عارفة إن اسمه ممكن يخلي الأغنية تريند بس حاول الأغنية بتاعتك الجديدة تعتمد فيها على نفسك».

زوجة رامي صبري

هجوم ويجز ضد رامي صبري

أعرب مطرب الراب ويجز عن استيائه من تصريحات الفنان رامي صبري، بعد حديثه عن أغاني الراب.

قال ويجز في فيديو عبر خاصية الستوري التابعة لحسابه الرسمي بموقع انستجرام:«هتكلم على فنان فاكر إنه عنده الصلاحية إنه يطلع يتكلم عن أي حد في أي وقت والناس تسمع وتسكت».

واستكمل: «الفنان دا اسمه رامي والفنان دا كل ما بيقعد من 4 لـ 5 شهور يزهق ويطلع يتكلم على بتوع الراب في التليفزيون، هتتكلم إمتى على بتوع البوب اللي أنت منهم واللي في مجالك».

واختتم ويجز: «أنا شايف مبتفهمش في الراب حاجة زى ما أنت قولت قبل كدة ومش هتعرف تعمله وأنت كدة مبتقدرش الفنانين وفاكر أن هما عايزين يوصلولك وهما أصلا معديينك بكتير أنت رقم 19 يا رامي أنت بعيد أوي».

تصريحات رامي صبري عن ويجز

وكان رامي صبري قال في تصريحات تلفزيونية له، قبل هجوم ويجز عليه: «المهرجان مش بيتغنى.. حلو والناس بتحبه وأنا ساعات بسمعه، لكن مش هو اللون اللي ممكن أغنيه.. وويجز شاطر ومجتهد وفرض نجاحه وأغانيه معروفة».

واختتم: «وأنا لسه عند كلامي أني مبفهمش كلمات أغانيه، في أغاني بتاعته لغاية دلوقتي مبفهمش كلماتها».

ويجز ورامي صبري