زينة: بصرف كل فلوسي على الموضة.. وبيقولوا وشي معضم

ياسمين حمادة 22 ابريل 2023 | 10:41 مساءً

كشفت الفنانة زينة أنها لا تهتم بالبطولة المطلقة، حيث ترفض أي أدوار مع المخرجين الكبار بسبب ثقتها الكبيرة بهم.

الفنانة زينة

قالت الفنانة زينة في تصريحات تلفزيونية لها: «لو مع مخرج كبير مش هرفض أي دور ومستحيل يكون هيعمل حاجة وحشة وثقتي في ربنا ثم المخرج».

وأوضحت أنها تتمنى العمل من جديد مع المخرج هاني خليفة، ومع المخرجة كاملة أبو ذكري في الدراما، والمخرج محمد شاكر خضير.

زينة

أسرار زينة

قالت زينة أيضًا: «بحاول أكون أنا، وعندما أسافر خارج مصر وأشوف بنات هناك، بأشعر أننى أجمل منهم وأنا راضية بشكلي وعاجبني وسعيدة، وأرفض قص شعري وكانوا بيقولوا عليا وشي معضم ودلوقتي بيعملوا زي وشي موضة وبيرفعوه».

واستكملت: «بصرف كل فلوسى على الموضة والملابس، وممكن أسافر علشان أشتري شنطة عجبتني وذلك قبل الخلفة وبلبس لبسي كتير وعدة مرات، ولدي قناعة وشتغل علشان اشتري اللي بحبه».

تصريحات زينة

وأشارت إلى أن والدتها دائمًا تقف بجانبها، وتساعدها حتى الآن، معلقة: «لم أتعود على المسئولية ولكن الآن الأمر تغير، حيث لدي توأم 9 سنوات ونصف ومتعبين».

وعلقت الفنانة زينة عن حياتها الشخصية: «الفنانين ناس طبعيين وإحنا رضينا بالشغل ده مينفعش نتضايق من الجمهور، لكن مش لدرجة اللمس وأنا بني آدمة وواحدة ست لي احترامي».

زينة والسوشيال ميديا

وعن التصوير في رمضان قالت: «التصوير في رمضان متعب أوي واليوم بيخلص بسرعة جدًا، والسنة دي كان عندي فرصة للتقرب من ربنا وفيه روحانيات أكتر لقراءة القرآن والصلاة».

وفيما يخص موقف زينة من السوشيال ميديا، علقت قائلة: «دلوقتي بقيت اتجاهل الانتقادات وببعد عن المشاكل مبحبهاش».

زينة