ساب بنت على وش جواز.. شقيق ضحية عصام صاصا: أخويا كان راجع من واجب عزاء

كشف شقيق ضحية عصام صاصا، الذى لقي مصرعه في حادث على الطريق الدائري عقب اصطدام سيارة عصام صاصا به خلال مروره أعلي الطريق أن شقيقه المجني عليه كان قادما من عزاء بمحافظة بني سويف قائلاً: «أخويا كان واقف على المحطة أعلي الطريق الدائري في انتظار الأتوبيس العمل لكن سيارة المطرب عصام صاصا أنهت حياته».

وقال شقيق ضحية عصام صاصا في مداخلة هاتفية، مع الإعلامية نهال طايل في برنامج تفاصيل، المذاع عبير قناة صدى البلد2: «أنا في الأول كنت فاكر أخويا عشان سواق هو اللي عمل حادثة وخبط حد، فكرت في عقل بالي مش أخويا هو المخبوط ولا المجني عليه،، أحمد كان عنده 40 سنة، وعنده 4 أطفال في بنت منهم على وش جواز عندها 15 سنة، وطفل عنده 4 سنين».

وأضاف شقيق ضحية عصام صاصا، قائلاً: « طلبت من والدتي تتوجه للمستشفي حتي تطمئن عليه، لأنها كانت الأقرب في فيصل، أمي توجهت لقسم الشرطة وعلى ما وصلت أنا من أكتوبر أمي كلمتني وفي التليفون وأنا كنت في المريوطية، وقالتلي أخوك مش هنا، وفي نفس اللحظة جالي تليفون من رقم غريب، وقالي أنت فين قولتله أنا في المريوطية ، قالي احنا عايزين حد من أسرته عشان أخوك في مستشفى الهرم».

وأشار شقيق ضحية عصام صاصا، قائلاً: «عملت مكالمة جماعية مع شخص في قسم الشرطة ووالدتي، ومحدش كان راضي يبلغنا الخبر مرة واحدة مراعاةً لظروفنا، وطلعنا على مستشفى الهرم، لاقيت أمين الشرطة بيقولي : شد حيلك»، مؤكدًا على أن شقيقه لفظ أنفاسه الأخيرة بعد لحظات من الاصطدام؛ لأن السيارة خبطته بسرعة لا تقل عن 150 ك