سالي عبدالسلام بعد فقدان جنينيها التوأم: بنهار بس ليا بيتين في الجنة

فاجأت الإعلامية سالي عبدالسلام متابعيها بخبر صادم، وهو فقدان جنينيها التوأم قبل ولادتهما، ووجهت رسالة مؤثرة.

كتبت سالي عبدالسلام في منشور عبر حسابها بموقع فيس بوك: «قدر الله وما شاء فعل من كام يوم وده بعد سنتين انتظار التوأم اللي كان نفسي فيهم أوي يارب.. سنتين صبر وأنت مفيش قدامك غير الصبر زى أي رزق والحمدلله إن اختباري كان في الصبر وبس مش أكتر وكنت طالباها تيجي من عند ربنا خالص ومن غير تدخل دكاترة».

فقدان سالي عبدالسلام توأمها

وتابعت: «الحمدلله على نعمة الأخذ بعد العطاء .. يارب.. فقدت أغلى ما ليا.. واللي كان هيكون ليا.. الحمدلله.. قدري الحمدلله، أنا بكتب الكلام ده عشان يمكن حد يتعلم!!.. كل حد قالي وقال عليا مش عايزة تخلف عشان خايفة على جسمها وشغلها.. وكانت أوحش حاجة سمعتها في حياتي (وهم لا يعلمون شيئًا) عشان كل حد بيضغط على اللي قدامه وفاكر إنه حقه وده لا يحق له عشان المفروض أنه قريب أو معتبر نفسه كدة ومش من أهله أصلاً ولا يحق له».

واستكملت سالي عبدالسلام: «ويحسسهم إن وراهم تارجت يا إما هيكون منبوذ منهم وهنسود عيشتك بسؤالنا كل شهر ونضغط عليك مع أنهم مش هيشيلوا أصلاً ومحدش هيشيل غيرك.. (وهم لا يعلمون شيئًا).. إوعي تقولي إنك حامل وخافي من العين وأى كلام فىيالموضوع ده بالذات!! اهه مقولتش وبرضه محصلش ومع احترامي ليهم العرسة بتخلف ده مش إنجاز.. (وهم لا يعلمون شيئًا) عشان كل ست اوعى تبقى بـ 100 ست وتشيلي مسؤولية كل حاجة لوحدك (لوحدك).. الست الجدعة بجد مبتاخدش حاجة».

تصريحات سالي عبدالسلام

وكتبت أيضًا: «الست الجدعة محدش بيساعدها وكله بيرمي عليها وكمان لما منعرفش نبقى زيها نعطلها أو نقلل منها وبمعنى أصح نبقى سبب في سقوط كل حاجة فيها مش أطفالها بس!.. ياريتني قولت مبعرفش أو مش هقدر عشان موصلش لكدة! (وهم لا يعلمون شيئًا).. كلنا تعبنا وبنتعب ومحدش بيحس ومحدش طلب منك تحس، بس الرحمة.. الرحمة، كل اللي كتبت عنهم بيني وبينكم الله».

واختتمت سالي عبدالسلام: «إنا لله وإنا إليه راجعون.. ادعولي كتير.. راضية والحمدلله، بس بنهار وأنا بصلي ومش بطلب غير الثبات من ربنا، بس ليا بيتين في الجنة.. اخترت الآخرة والأبقى يا الله».

سالي عبد السلام