سامح حسين يكشف سبب رفض العمل مع عادل إمام

إسماعيل هاني 20 فبراير 2023 | 06:42 مساءً

كشف الفنان سامح حسين، عن سبب رفضه العمل مع الفنان عادل إمام في مسلسل فالنتينو، مؤكدا أنه لم يندم على هذا القرار، وتم الاستعانة بالفنان حمدي الميرغني ليكون بديلا له في المسلسل.

سامح حسين قال في تصريحات تليفزيونية، إنه رفض مشاركة الزعيم عادل إمام في مسلسل لأنه شعر أن الدور غير مؤثر قائلا: أستاذ عادل إمام ده زعيم المهنة وأي حد نفسه يشتغل معاه ولما اشتغل معاه الفكرة مش مساحة أدوار أنا مش بفكر في الموضوع ده لكن لما أروح اشتغل معاه أبقى حاسس أني مؤثر وأبقى مبسوط أني بشتغل معاه.

سامح حسين: رفضت فالنتينو مع عادل إمام

وأوضح سامح حسين: كان في مسلسل فلانتينو تأليف أستاذ أيمن بهجت قمر وإخراج أستاذ رامي إمام، وهو الدور اللي قدمه الفنان حمدي الميرغني وعمله بطريقة حلوة جدا. مضيفا: مش بتواصل مع الفنان عادل إمام أكيد ليه حق أنه يزعل مني.

سامح حسين يتحدث عن والدته

تحدث الفنان سامح حسين عن والدته في تصريحات تلفزيونية، وقال: «عشنا فترة صعبة جدًا لكن كان عندنا عزة نفس، وكانت والدتي تروح لأقاربنا وتقول إننا بنربي فراخ في المنور، ويدوها بقايا أكل للفراخ».

وبتأثر شديد، قال سامح حسين: «الحقيقة إحنا كنا الفراخ وكنا بناكل بقايا الأكل، وعشان كده أنا بدأت أشتغل من صغري».

معاناة سامح حسين في طفولته

وتابع سامح حسين حديثه، وقال: «أنا عندي ألم في فقرات الظهر السفلية من أيام دراستي في الجامعة، لإني كنت محتاج فلوس جنب الدراسة، واشتغلت فواعلي أشيل طوب ورمل وأطلع عمارات».

فترة مرض والدة سامح حسين

أما عن فترة مرض والدة سامح حسين، وقال: «والدتي قعدت في المستشفيات ستة شهور، وأنا ساعتها قليل الحيلة، ومكانش معايا فلوس أجيب لها كيس دم، وإما أتبرع أو أطلب من أصحابي، وفي آخر أيامها عرفت من الدكتور أن وفاتها هتكون خلال أسبوعين».

واختتم سامح حسين، حديثه، وقال: «وفاة والدتي هزتني ووجعت قلبي، توفيت وهي عمرها 49 سنة بعد ما جالها السرطان، وفضلت سبع شهور بعد وفاتها أتمنى إني أموت».

سامح حسين