سامح حسين يكشف موقف صعب مع والدته: كانت بتجيبلنا بقايا أكل الفراخ.. وأتمنيت الموت بعد وفاتها

سامح حسين تحدث عن والدته وكيف واجهت الظروف الصعبة مع أبنائها بسبب ضيق الحال، وكيف كانت تطعمهم بقايا أكل الدجاج.

سامح حسين يتحدث عن والدته

تحدث الفنان سامح حسين عن والدته في تصريحات تلفزيونية، وقال: «عشنا فترة صعبة جدًا لكن كان عندنا عزة نفس، وكانت والدتي تروح لأقاربنا وتقول إننا بنربي فراخ في المنور، ويدوها بقايا أكل للفراخ».

سامح حسين

وبتأثر شديد، قال سامح حسين: «الحقيقة إحنا كنا الفراخ وكنا بناكل بقايا الأكل، وعشان كده أنا بدأت أشتغل من صغري».

معاناة سامح حسين في طفولته

وتابع سامح حسين حديثه، وقال: «أنا عندي ألم في فقرات الظهر السفلية من أيام دراستي في الجامعة، لإني كنت محتاج فلوس جنب الدراسة، واشتغلت فواعلي أشيل طوب ورمل وأطلع عمارات».

فترة مرض والدة سامح حسين

أما عن فترة مرض والدة سامح حسين، وقال: «والدتي قعدت في المستشفيات ستة شهور، وأنا ساعتها قليل الحيلة، ومكانش معايا فلوس أجيب لها كيس دم، وإما أتبرع أو أطلب من أصحابي، وفي آخر أيامها عرفت من الدكتور أن وفاتها هتكون خلال أسبوعين».

سامح حسين

واختتم سامح حسين، حديثه، وقال: «وفاة والدتي هزتني ووجعت قلبي، توفيت وهي عمرها 49 سنة بعد ما جالها السرطان، وفضلت سبع شهور بعد وفاتها أتمنى إني أموت».

سامح حسين : بيومي فؤاد دفعتي وأخرجت لـ مصطفى خاطر أيام الجامعة

سامح حسين: كنت بشتغل فى الفاعل أطلع رمل وطوب عشان أساعد أمي

سامح حسين: «البنات بيدخنوا أكتر من الولاد وعندهم مبرر أن التدخين الإلكتروني مش مضر»

موعد عرض «سندوتش عيال» لـ سامح حسين

سامح حسين يعلن قرب عرض فيلمه ” اللعب مع العيال ” بعد غياب 3 سنوات