سبب تأجيل النسخة الجديدة من أوبريت الحلم العربي

سأل الجمهور عن أسباب تأجيل النسخة الجديدة من أوبريت الحلم العربي أو القدس هترجع لنا كما عُرف، والذي كان من المقرر تقديمه يوم 29 أكتوبر الماضي.

سبب تأجيل النسخة الجديدة من أوبريت الحلم العربي

كشف المؤلف مدحت العدل سبب تأجيل النسخة الجديدة من أوبريت الحلم العربي، وقال في تصريحات تلفزيونية: «تم تأجيل الأوبريت لاعتبارات ليها علاقة بالأوبرا وبرنامجها ولأني دعيت فنانين كتير يجوا يغنوا واتفقت مع ممثلين منهم الفنانة يسرا وحسين فهمي وليلى علوي، وأنا عايز المطربين كمان اللي هيغنوا، حصل لخبطة وأنا كنت في مهرجان الشارقة ومش عارف أتابع فتم التأجيل».

واستكمل مدحت العدل حديثه، وقال: «هو مكنش مجرد أغنية هيبقى تبرع على الهواء وكذا قناة عربية بتبث في نفس التوقيت هنجمع تبرعات على حساب بنكي وهيبقى في تبرع بالدم في نفس التوقيت، إحنا شغلانتنا نصحي الوجدان، أنا ضد إلغاء أي تظاهرة فنية الحياة لا بد أن تستمر والعالم بيحترم بالفن، الناس بتعتبر أن لو عملنا مهرجان مش مهتم بالقضية ليه؟».

مدحت العدل أوبريت الحلم العربي

تحدث المؤلف والكاتب مدحت العدل عن تفاصيل إعادة إنتاج أوبريت الحلم العربي بنسخة جديدة بعد حوالي 25 عامًا، من الأوبريت الذي تم إنتاجه عام 1998.

قال الكاتب مدحت العدل عن أوبريت الحلم العربي في 2023 من خلال تصريحات تلفزيونية له: «في ناس هتسألني سؤال هو إنتو هتقعودوا تغنوا أيوا يا جماعة إحنا شغلتنا نغني».

وتابع: «يا إما اللي بيخبز ميخبزش واللي يروح للدكتور ميروحش للدكتور.. دي شغلانتنا بس إحنا المرة دي عاملين حفلة هتتذاع على أكثر من محطة وهنجمع تبرعات لأهلنا في غزة فهنعمل الحلم العربي، والقدس هترجعلنا».

واستكمل مدحت العدل أن أوبريت الحلم العربي سيجمع عدد من النجوم الكبار سيقدمون أغنيات عن فلسطين ومن المقرر له يوم الأحد 29 أكتوبر 2023 المقبل في دار الأوبرا المصرية.

مدحت العدل

أوبريت الحلم العربي 2023

وفيما يخص دعوة الفنانين، استكمل المؤلف والكاتب: «أنا قدمت دعوة من خلال الفيس بوك ومن خلال حساباتي ومن خلال التلفزيون اللي عايز يجي يشارك أهلاً وسهلاً، اللي مش عايز يشارك وتمنعه الظروف نجيب بديل له في الأخر تبقى غنوة الحلم العربي».

وقال الكاتب مدحت العدل أيضًاك «المعنى نفسه أهم بكتير من اللي كتب واللي لحن واللي غنى، إحنا بنتكلم على معنى قبل ما بنتكلم على شخصنة عمل بيهم العالم العربي كله.. وعلى المسرح لايف 17 دقيقة هختصره شوية وهيبقى في شوية تغيرات تلائم روح العصر والإيقاع».

تصريحات مدحت العدل

وأكد أنه سيتم تقديم أغنية الحلم العربي وأغنية القدس هترجع لنا، وأغنية الآن أصبح عندي بندقية ومن المفترض أن تقدمها أنغام، بجانب أغاني للفنانة فيروز.