سحر رامي تكشف حقيقة خلافها مع الراحل هيثم أحمد زكي بسبب فيلم كابوريا

تحدثت الفنانة سحر رامي عن كواليس إنتاجها لفيلم كابوريا، وكشفت السبب وراء هجومها على الفنان الراحل أحمد زكي.

سحر رامي تتحدث عن فيلم كابوريا

قالت سحر رامي في تصريحات تلفزيونية: 'مكنش إنتاجي لوحدي كان إنتاجي أنا وحسين، ولما جينا نعمله مكنش معانا رأس مال فظيع والارقام مكنتش زي النهاردة'.

وتابعت: 'الأجور كانت بسيطة اوي لو قولتلك الأجور زمان كانت كام أحمد زكي ورغدة اللي كانوا واخدينها مش هتصدقي أنا عندي الورق وعندي كل ده'.

واستكملت سحر رامي حديثها، وقالت: 'مبصدقش أن الفيلم نجح الفيلم نجح جدًا وعمل نقله في استخدام المجاميع في السينما واتهاجمنا ساعتها والأغنية نجحت اوي وأحمد زكي كان في احلى حالاته ورغدة كانت رهيبة وأنا مكنتش هعمل الدور كان في اتفاق أننا هنعمل جروب فني لكن مش همثل، لكن لما جينا انتجنا خيري بشارة أصر اني هعمل الدور وقال لحسين مالكش دعوة ومكنش معانا فلوس كتير كنا عايزين ننجح مش هنتهاجم'.

حقيقة الخلاف بين سحر رامي وهيثم أحمد زكي

وحول الخلاف بينها وبين هيثم أحمد زكي، قالت سحر رامي: 'الحكاية مش كده أنا فوجئت أن حد بيكلمني فون بيقولي انتي هترفعي قضية على هيثم احمد زكي عشان هيعمل جزء تاني من كابوريا، الكلام ده سمعته من واحد صحفي، قولتله هو فين الكلام ده هو هيعمل جزء تاني، أنا مش من حقي اقاضيه الجزء التاني ملك عصام الشماع ككتابة، لكن لو اتاخد حته من الفيلم أو حته من الأغنية بيتاخد عليها فلوس لأن دي حقوق وده انتاجي لكن لو اتعمل جزء تاني أنا مش طرف في الموضوع'.