سلوى خطاب: كنت مرشحة لفيلم اللعب مع الكبار بدلا من عايدة رياض

فاجأت الفنانة سلوى خطاب الجمهور بكشفها سرًا عن فيلم اللعب مع الكبار، ودور الفنان عايدة رياض بالعمل.

قالت سلوى خطاب عبر تصريحات تلفزيونية، إنها كانت المرشحة الأولى لدور هناء في فيلم اللعب مع الكبار، الذي قدمته عايدة رياض.

كواليس أعمال سلوى خطاب

وأشارت إلى أنها لم يحالفها الحظ بالعمل كثيرًا مع الفنان عادل إمام، معلقة: «عادل إمام للأسف أنا مشتغلتش معاه غير فيلم واحد زمان (عيب يا لولو يا لولو عيب)».

وتابعت سلوى خطاب: «دايمًا حظي وحش يبعتلي أكون مشغوله مش قادرة أشتغل، مع أن أكيد هو اللي مرشحني وكنت بزعل أوي، وفيلم اللعب مع الكبار لأول مرة أقول ده كنت هعمل دور عايدة رياض بس الحقيقة هي مناسبة أكتر مني شكلاً أنا كنت هبذل مجهود أكتر».

تصريحات سلوى خطاب

واختتمت: «قالوا أن شكلي مش واحدة بقالها 15 سنة مستنياه عشان يشتغل وقتها كان شكلي صغير كنت لسة في المعهد لكن حقيقي لما اتفرجت قلت عايدة مناسبة جدًا وعملته حلو أوي».