سماح أنور تكشف رأيها في عمليات التجميل: «بتزدادوا قبحا»

كشفت الفنانة سماح أنور رأيها في عمليات التجميل، من خلال فيديو نشرته عبر حسابها الرسمي.

قالت سماح أنور في الفيديو الذي نشرته عبر فيس بوك: «ربنا مخليك في أبهى وأحلى صورة، لكن أنت قررت، استغفر الله العظيم، ربنا معملنيش في أحلى صورة ولا حاجة».

رأي سماح أنور في عمليات التجميل

وتابعت: «لأ دكتور التجميل دا هو اللي هيخليني في أبهى صورة، كل ما بتروحوا لدكتور التجميل بتزدادوا قبحًا».

واستكملت سماح أنور: «أبويا كان بيقول لي كدة زمان، قبل التطور دا كله، كانت أمي مابتعملش الحاجات دي خالص، كانت زي القمر، وكان ناس كتير يقولوا لها ما تعملي رقبتك».

سماح أنور

تصريحات سماح أنور

وأضافت: «وكانت تقول لهم مينفعش حد يلعب في شغل ربنا ويحسنه لازم هيبوظه، وأنا شايفة كدة لحد انهاردة، كل الناس اللي عملت تجميل أنا شايفة انهم كانوا أحلى مليون مرة».