سماح أنور تنفعل بسبب «الناس العصبية»: أنتم عبء عظيم

حرصت الفنانة سماح أنور أن توجه رسالة لجمهورها ومتابعيها، من خلال نشر مقطع فيديو لها تتحدث خلاله عن الأشخاص العصبيين.

قال سماح أنور في الفيديو الذي نشرته عبر حسابها الرسمي بموقع فيس بوك: «الناس اللي بتتعصب في بيوتها وبتزعق طول الوقت، عايزة أقولكم أنتم عبء».

سماح أنور تنفعل بسبب العصبيين

وتابعت: «عبء عظيم على الناس اللي عايشة معاكم سواء شريك حياة أو أولاد أو قرايب أو زملاء سكن، والعصبي إحنا بنستحمله لكن بنتمنى الوقت اللي هنخرج ونخلص من ده».

وأضافت سماح أنور: «ولو أنت عصبي وبتقول أصل أنا عصبي لا، المفهوم العلمي للعصبي إن أنت من يوم ما اتولدت لحد دلوقتي بتزعق 24 ساعة بدون توقف».

سماح أنور

تصريحات سماح أنور

واستكملت الفنانة سماح أنور حديثها: «إحنا بنتعصب عشان اللي بيحصل برة عكس اللي إحنا عايزينه، دي طبيعة الدنيا مش دايمًا هتمشي زي ما أنت عايز، لكن لو أنا مًصرة الدنيا تمشي زي مانا عايزة لإما هنكد عليكم».

واختتمت: «يبقى أروح أقعد في أوضة مبطنة وأعيش مع نفسي، ودي حالة من الجنون لا تصلح للحياة إطلاقًا»، وعلقت على الفيديو قائلة: «رسالة للناس العصبية».