سمية الخشاب عن مقارنتها بـ جورجينا: مفيش حد زيي لأني أحلى

إسماعيل هاني 02 مارس 2023 | 09:51 مساءً

ردت الفنانة سمية الخشاب، عن مقارنتها بـعارضة الأزياء جورجينا صديقة كريستيانو رونالدو، مؤكدة عدم وجود فتاة تمتلك الجاذبية والحلاوة التي تمتلكها وأن دمها خفيف ولا تغير من أي امرأة.

سمية الخشاب: أنا أحلى من جورجينا

وقالت سمية الخشاب، في تصريحات تليفزيونية: مفيش حد زيي لاني أحلى من جورجينا ومفيش واحدة عندها جاذبية وحلاوة ودم خفيف كدا، وأنا مش بغير من أي ست لأن ربنا خلقني جميلة وفيا كل حاجة أغير ليه؟.

سمية الخشاب: مشاعري بريئة لـ رونالدو وبحب دماغه

وأضافت سمية الخشاب: أنا عندي مشاعر بريئة لـ رونالدو وبحب دماغه وتركيزه ولعبه؛ لأنه شخص مضيع عمره في التمرين وأنا واحدة أهلاوية وبحب مجدي عبد الغني وهو أفضل لاعب بالنسبة لي، وبحب محمد صلاح لأنه راجل صعيدي وأنا بحب الصعايدة لأنهم أجدع رجالة.

سمية الخشاب: أنا كويسة من غير زواج

وتابعت سمية الخشاب: أنا كويسة من غير زواج ولكن لو ربنا عايز كدا مش هعترض، ومش هتفرق اتجوزت كام مرة كلها أرقام وأنا قلبي مش بيدق بسهولة إلا لو لقيت شخص شبهي وفيه بيننا كيمياء، ولكن الحياة أحلى من غير زواج ومفيش حد ينكد عليا.

وأضافت سمية: أنا نفسي في راجل حقيقي أحس معاه بالأمان؛ لأن صعب في الأيام السودا دي نلاقي راجل بجد مش مجرد شكله راجل، وأنا كل اللي اتجوزتهم رجالة محترمين وربنا يوفقهم في حياتهم، ومش بحب فكرة إن الست تكون العصمة في إيدها ومعتقدش إني هعمل كدا.