سميحة أيوب: «محسن سرحان كان بيحبسني وكرهني في الرجالة كلها»

تحدثت الفنانة القديرة سميحة أيوب، عن عدد زيجاتها على مدار حياتها، مؤكدة أنها تزوجت 3 مرات من سعد الدين وهبة، ومحمود مرسي، ومحسن سرحان.

وقالت بشأن زواجها منمحسن سرحان، «جوازتي من محسن سرحان كنت في سن المراهقة ولسه عيلة صغيرة وكان حب مراهقين يعني وشافني لما كنت بشتغل في فيلم اسمه المتشردة، وجوازنا مكملش لأن وقت لما الباب بيتقفل الطبائع بتتغير وأنا كنت عيلة صغيرة وهو راجل ناضج وكان نجم كبير أوي، وزي ما بيحصل في أي بيت وخلفت منه ولد».

وتابعت، « كرهت الرجالة كلها بعد محسن سرحان، بسبب الضغط الزائد عن اللزوم ويقفل عليكي الباب بالمفتاح ومتقعديش مع أمك ولا أخواتك فهو كان صعب الله يرحمه».

وأضافت أيوب، «أن زواجي من محمود مرسي جاء بعد قصة حب كبيرة جدًا جدًا، واطلقنا وأحنا بنحب بعض جدًا، وسبب الطلاق أني بشتغل كتير والحقيقة كنت ظالماه، وقالي البيت وكده لأني كنت بخرج الصبح أروح الإذاعة وبعدها بروفة وبعدها التليفزيون وبعدها أعمل السوارية وبعدها أروح، وقالي إنتي صعبانة عليا يا سميحة بتحاولي لما تيجي تعملي مجهود مضاعف عشان تحسي أنك مش مقصرة فانتي صعبانة عليا» .

وتابعت، «قولتله أنا ببني نفسي وأحنا بلد ذاكرتها ضعيفة لما بتمشي من الصورة بتتنسي فأنا دلوقتي عايزة بس أبقى في الصورة أثبت وقالي تفتكري الحياة هتستقيم وهو بالفعل كان مظلوم ».

وأردفت، «محمود مرسي كان إنسان راقي ومثقف وطيب وفي حاجات كتير أوي جميلة، وسعيد الدين وهبة كان راجل عاقل أوي وحياتنا كانت مع بعض صداقة وأصدقاء ودي الحياة اللي تستمر وثورة الحب تهدأ بعد كده والحياة أنك راكبة مركب انتوا الاتنين ماسكين الدفة ومفيش واحد عايز يعمل على التاني المهيمن والأمر دايما شورة ونقول لبعض كل حاجة».

مسرحية المومس الفاضلة تثير الجدل.. طلبات إحاطة ودفاع النجوم ورد إلهام شاهين

منتدى الثقافة العربية يكرم نادية الجندي ويعتبرها سفيرة للفن المصري