سهير البابلي قبل رحيلها تشيد بجهود الدولة في تطوير عشوائيات الدويقة: أنتوا عظماء مصر

ربنا يسلمكم من كل شر.. بهذه الكلمات تحدثت الفنانة الراحلة سهير البابلي في لقاء قديم لها قبل وفاتها بشهور قليلة، كانت توجه خلاله كلمة شكر لفريق عمل الرئيس السيسي الذين نفذوا مباني الدويقة.

رسالة سهير البابلي لمنفذي مباني الدويقة

وجهت سهير البابلي في حوارها مع فى حوارها مع د. رضا طعيمة زوج ابنتها نڤين، رسالة شكر لرجال الرئيس السيسي، وقالت: 'ربنا يسلمكم من كل شر اللي عملتوه ده فعلًا رجالة وعظماء مصر اللي عملوا ده'.

وتابعت: 'عايزة أقول كمان حاجة، في واحدة جاية تقول لأ أنا مش عايزة بيتي يتهد لأ أنا كده كويسة، عايزة اقولها يا ولية ده أنتي قاعدة في الأرض ده أنتي بيتك منيل، الاقيها بتقول لأ أنا عايزاه كده'.

واختتمت حديثها، واستكملت رسالتها للسيدات اللاتي ترفضن هدم بيوتهن، وقالت: 'سهير البابلي بتقولك احمدي ربك إن الريس عملكم كده وبيعمل ولسه هيعمل، بس أنتوا حلوين ومؤدبين يا حبايبي'، مشيرة إلى أنه في عصر الرئيس السيسي اصبح هناك أمن وأمان.

حقيقة تقاضي سهير البابلي أموال مقابل الحجاب

وعلى جانب آخر، كشفت الفنانة رجاء حسين عن كواليس حجاب سهير البابلي، وقالت خلال استضافتها في برنامج بنت البلد، الذي تقدمه الفنانة نشوى مصطفى: «اتقال على سهير لما لبست الحجاب إنها خدت فلوس عشان تلبسه وده مش حقيقي».

سهير البابلي

وتابعت: «سهير راحت مرة الحج أو العمرة الله اعلم أنهي واحدة فيهم ورجعت غريبة، قولتلها في إيه يا سهير فردت عليا قالت بنتي متحجبة من صغرها وقارئة للقرآن، وأنا كده، قولتلها أنتي كده إيه، إحنا فنانين كبار».

وأضافت الفنانة رجاء حسين حديثها، وقالت: «فجأة وبلا مقدمات اتخذت القرار وكان القرار بشكل غير طبيعي، ومرضيتش تقابل صحفيين ولا تتكلم خالص».

ماذا فعلت سهير البابلي بعد نصيحة الشعراوي لها

أشارت رجاء حسين في حديثها، أن الشيخ محمد متولي الشعراوي نصح سهير البابلي بالتخلص من أموالها، وقالت: «لما قالها الفلوس اللي عندك اتخلصي منها، قالوله أكل واشرب منين، الرد الطبيعي لأي إنسان، لكنها فتحت محل للعبايات والقماشات».