سهير رمزي: قلبي ورطني كتير وكنت أنانية لما حبيت نفسي أكتر من امتلاك طفل

دينا دهب 21 يناير 2023 | 12:45 مساءً

تصريحات سهير رمزي أثارت الجدل الساعات الماضية، وذلك بسبب حديثها عن ندمها على عدم الانجاب وكذلك، كانت تصريحات سهير رمزي على زواجها من حلمي بكر جريئة جدًا.

ويرصد موقع «قناة صدى البلد» التفاصيل فيما يلي:

تصريحات سهير رمزي

الحب ده أحلى حاجة في الدنيا ومقدرش أعيش من غيره وهو مبني على الصدق

أنا بحب المياه جدًا ومفهاش صدق مش هشربها، ولو متربة بس فيها صدق هشربها

كنت أنانية جدًا لما حبيت نفسي أكتر ما حبيت أن يكون عندي طفل

سهير رمزي

الحاجة الوحيدة اللي ندمت عليها هي أني مجبتش ابن يقف جمبي

كنت من النوع اللي بيخاف يجيب أطفال، ولو كنت خلفت وأنا بمثل كنت قعدت في البيت

فكرت إني أتبنى طفل قبل كده بس من غير ميعيش معايا عشان هتبقى مسؤولية، فكرت أتبناه بس من بعيد

سايبة نفسي لقلبي فقط ومش عايزة عقلي يشتغل

قلبي ورطني كتير واندفعت وتسرعت كتير وتراجعت بعد كده

مندمتش على ده لأني مش بحب الندم واللي جاي هيكون أحسن أكيد وأنا بطبيعتي خوافة وبخاف من حاجات كتير

لو كان عندي بنت وداخلة على جواز هنصحها إنها متكذبش وعيشي حياتك صح ولو حياتك مش كويسة متكمليش

أهم حاجة على البنت إنها تختار حد يتقي الله فيكي ويكون عنده أخلاق ولو هو كده أكيد هتكوني سعيدة والعمر بيجري ومش محتاجين نبرر الحياة الوحشة ونضيع العمر

أنا عنيدة بطبعي وجوزي رفض تمثيلي في فيلم المذنبون واشترط عليا لو وافقت هنطلق وننفصل وبالفعل اطلقنا، ورجعنا بعد كده

قصة فيلم المذنبون كانت في بداياتي الفنية وهي من كتابة نجيب محفوظ وجريت على الفيلم ووافقت وعملت الفيلم وكنت فرحانة به جدا، وهو من علامات السينما ومقدرش أقول عليه حاجة ولكن كنت جريئة في مشاهد فيه

سهير رمزي

سهير رمزي في مسلسلات رمضان 2023

جدير بالذكر أن الفنانة سهير رمزي، بدأت تصوير أولى مشاهدها بمسلسل أم البنات، الذي ينضم لقائمة مسلسلات رمضان 2023.

انطلق منذ أسابيع تصوير مسلسل أم البنات ضمن مسلسلات رمضان 2023، في أحد استوديوهات منطقة شبرامنت.

ومن جانبه، أعرب المنتج محروس المصري عن سعادته بالتعاون مع الفنانة الكبيرة سهير رمزي، في دورها الأول عبر الشاشة الصغيرة، بدور عكس الشخصيات والأدوار التي اشتهرت بها وهي الفتاة الجميلة الغنية.

وأكد منتج مسلسل أم البنات في بيان صحفي له، أن شخصية الفنانة سهير رمزي ضمن أحداث العمل ستكون مفاجأة للجمهور والمشاهدين.

سهير رمزي